Við leggjum okkur fram við að styðja við listræna tjáningu á Spotify og viljum að fólkið í samfélaginu okkar geti komið til dyranna eins og það er klætt. Það þýðir þó ekki að allt megi.
Gamalgrónu kerfisreglurnar okkar segja til um hvað má og hvað má ekki á Spotify. Við leggjum áherslu á að fara yfir efni sem varðar hag barna, skapar hættu í raunheimum eða kann að vera ólöglegt.
Þegar við finnum efni sem brýtur í bága við kerfisreglur Spotify eða er ólöglegt samkvæmt gildandi lögum getum við gripið til margvíslegra aðgerða. Þar á meðal getum við fjarlægt efni, takmarkað dreifingu, merkt efni með viðvörunum og/eða lokað á tekjuöflun.
Teljir þú eitthvert efni brjóta í bága við kerfisreglur Spotify skaltu tilkynna það með því að fylla út örugga eyðublaðið okkar.
Ef þú vilt tilkynna efni sem þú telur brjóta gegn hugverkaréttindum þínum eða brjóta á annan hátt í bága við lög skaltu hafa samband. Frekari upplýsingar um stefnu Spotify í málum er varða brot á hugverkarétti má finna í höfundarréttarstefnu okkar.
Til þess að tilkynna efni á Spotify þarf ekki Spotify-reikning heldur bara netfang. Hafðu í huga að ef þú misnotar tilkynningaferlið gæti það takmarkað möguleika þína á frekari innsendingum.
Ef þú býrð innan Evrópusambandsins og telur að gripið hafi verið til rangra aðgerða vegna efnis þíns eða tilkynningar skaltu fylgja leiðbeiningum um næstu skref í tilkynningunni sem þér barst.
Í öllum öðrum löndum vinnum við að því að auka áfrýjunarmöguleika, sem eru mismunandi á hverjum stað.