Tilkynna efni á Spotify

Yfirlit

Við leggjum okkur fram við að styðja við listræna tjáningu á Spotify og viljum að fólkið í samfélaginu okkar geti komið til dyranna eins og það er klætt. Það þýðir þó ekki að allt megi.

Gamalgrónu kerfisreglurnar okkar segja til um hvað má og hvað má ekki á Spotify. Við leggjum áherslu á að fara yfir efni sem varðar hag barna, skapar hættu í raunheimum eða kann að vera ólöglegt.

Hvað er gert til að bregðast við ólöglegu efni eða efni sem brýtur í bága við kerfisreglur Spotify?

Þegar við finnum efni sem brýtur í bága við kerfisreglur Spotify eða er ólöglegt samkvæmt gildandi lögum getum við gripið til margvíslegra aðgerða. Þar á meðal getum við fjarlægt efni, takmarkað dreifingu, merkt efni með viðvörunum og/eða lokað á tekjuöflun.

Hvernig er hægt að tilkynna efni á Spotify?

Teljir þú eitthvert efni brjóta í bága við kerfisreglur okkar skaltu tilkynna það með því að fylla út örugga eyðublaðið okkar. Eigandi efnisins fær ekki að vita hver sendi inn tilkynninguna.

Ef þú vilt tilkynna efni sem þú telur brjóta gegn hugverkaréttindum þínum eða brjóta á annan hátt í bága við lög skaltu hafa samband. Efni sem tilkynnt er í gegnum þetta eyðublað (nema verið sé að tilkynna það af hugverkatengdum ástæðum) verður einnig yfirfarið í leit að brotum á kerfisreglum. Frekari upplýsingar um stefnu Spotify í málum er varða brot á hugverkarétti má finna í höfundarréttarstefnu okkar.

Misnotkun á þessu tilkynningaferli getur leitt til takmarkana á frekari innsendingum og endurtekin brot á notkunarskilmálum Spotify, þar á meðal kerfisreglum okkar, geta leitt til tímabundinnar eða varanlegrar lokunar á reikningi.

Hver getur tilkynnt efni?

Til þess að tilkynna efni á Spotify þarf ekki Spotify-reikning heldur bara netfang. Hafðu í huga að ef þú misnotar tilkynningaferlið gæti það takmarkað möguleika þína á frekari innsendingum.

Er hægt að áfrýja ákvörðunum um efni?

Valkostir fyrir áfrýjun á ákvörðunum um efni eru breytilegir eftir staðsetningum og við munum halda áfram að fjölga möguleikum okkar í framtíðinni.

Ef þú ert ekki sammála fullnustuákvörðun sem tekin var í tengslum við efnið þitt eða sem svar við tilkynningu þinni gætirðu átt rétt á að senda inn áfrýjun. Það er gert með því að fylgja leiðbeiningunum í tilkynningunni sem þú kannt að hafa fengið frá Spotify.

Hvernig tilkynni ég önnur vandamál í forritinu?

Ef þú finnur rangar upplýsingar eða vandamál með virkni forritsins getur þú tilkynnt það hér. Ef þú ert listamaður getur útgáfufyrirtækið eða dreifingaraðilinn þinn hjálpað til við að leysa vandamál með tónlistina þína.