Leiðbeiningar fyrir foreldra eða forráðamenn

Þjónustur eins og Spotify bjóða foreldrum og börnum upp á einstakt tækifæri til að uppgötva saman, t.d. finna fræðsluefni og hlusta á tónlist. Sum ykkar kunna að hafa notið góðs af spilunarlistum með vögguvísum til að svæfa börnin og mörg önnur hafa notið þess að kynna uppáhaldslögin frá æskuárunum fyrir börnum sínum. Á síðustu árum hefur orðið mikil aukning á fjölda þjónusta á netinu sem börn geta notað og það getur verið erfitt að finna út úr því hvernig best er að takmarka efni og eiginleika sem þau geta nálgast þegar þau njóta þessara þjónusta.

Ég heiti Alex Holmes og ég sit í alþjóðlegum öryggisráðum margra stórra tæknifyrirtækja þar sem ég veiti ráðgjöf um aðgerðir varðandi öryggi og ógnir á netinu, þar á meðal fyrir Spotify. Ég er líka aðstoðarframkvæmdastjóri félagasamtakanna The Diana Award, sem byggjast á arfleifð Díönu prinsessu og þeirri trú að ungt fólk geti breytt heiminum. Þegar ég var 16 ára stofnaði ég jafningjastuðningsverkefnið Anti-Bullying Ambassadors eftir að hafa sjálfur upplifað einelti. Ég vinn einnig hjá góðgerðarsamtökum BBC BBC Children in Need. Eins og þú getur ímyndað þér hef ég mikinn áhuga á að bregðast við því sem kemur í veg fyrir hamingju og velferð barna.

Þegar það kemur að netinu mæli ég alltaf með því að börn og foreldrar vinni saman að því að ákveða hvaða efni og eiginleikar henta barninu. Ræddu við barnið þitt um hvað þú telur við hæfi að það hlusti á og hjálpaðu því að skilja hvað það getur gert ef efni kemur því í uppnám eða veldur því áhyggjum. Til að auðvelda foreldrum og fjölskyldum að taka þessar ákvarðanir hefur Spotify útbúið leiðbeiningarnar hér fyrir neðan sem útlista nýjustu verkfæri og eiginleika sem eru sérstaklega hannaðir fyrir börn, þ.m.t. barnalæsingar sem þú getur notað til að vernda barnið þitt gegn grófu efni og úrræði sem þú getur nýtt til að tilkynna óæskilegt efni eða athygli.

Það er mikil vinna að átta sig á öllum þjónustunum sem barnið þitt gæti verið að nota og ég hvet alla foreldra eða forráðamanneskjur til að vinna með barninu sínu að því að skilja Spotify, skilja hvers konar tónlist barnið hlustar á og hvernig það á í samskiptum við aðra. Það getur einnig verið gagnlegt að hjálpa því að íhuga samskipti sín við önnur börn og leiðbeina því að sýna tillitssemi þegar það nefnir spilunarlista, prófíla eða myndir/upphleðslur á spilunarlista. Hvettu barnið til að deila spilunarlistunum sínum með þér þar sem það getur verið tækifæri til að velja efni í sameiningu, tengjast barninu og eiga heilbrigðar samræður.

Tónlist og hljóð eru mikilvægur hluti af því hvernig börn læra að tjá sig og skilja heiminn. Með réttum stuðningi geturðu notað verkfæri eins og Spotify til að hjálpa þeim að öðlast betra sjálfstraust, vera seigari og til að vekja forvitni á meðan þú virðir persónuvernd þeirra og frelsi ásamt þínum uppeldisaðferðum. Að ræða þessi mál við barnið þitt er besta leiðin til að sýna því að þú sért til staðar og styðjir það þegar það fræðist betur um stafræna heiminn.

Alex Holmes, OBE

Sérfræðingar í öryggi barna

www.antibullyingpro.com

Skuldbinding okkar við unga hlustendur

Spotify er stafræn tónlistar-, hlaðvarps- og hljóðbókaveita sem veitir aðgang að milljónum laga og öðru efni frá höfundum um allan heim. Okkur er ljóst að það getur verið erfitt fyrir foreldra að finna leið sína í þessum stafræna heimi og að ákvarðanir í kringum efnið og upplifanirnar sem henta þinni fjölskyldu eru oft persónulegar. Til að hjálpa ungum hlustendum að skapa upplifun sem er áhugaverð og hönnuð með þau í huga, höfum við gripið til ýmissa mikilvægra ráðstafana. Þar á meðal:

• Innleitt strangar reglur um efni sem felur í sér misnotkun barna og kerfisreglur sem banna ólöglegt athæfi og/eða athæfi sem felur í sér misnotkun í garð barna
• Nýtt vélnámsmerki og komið á fót tilkynningaverkfæri fyrir notendur til að greina hugsanleg brot gegn reglum
• Starfsmannateymi sem fer yfir og bregst tafarlaust við brotlegu efni allan sólarhringinn
• Tengt notendur sem eru hugsanlega í viðkvæmri stöðu við geðheilbrigðisúrræði þegar þeir leita að efni sem tengist sjálfsvígum, sjálfsskaða og átröskunum
• Boðið upp á barnalæsingar svo að foreldrar og forráðamanneskjur geti hannað þá upplifun sem best hentar hverri fjölskyldu fyrir sig
• Leita álits sérfræðinga í Spotify Safety Advisory Council, til dæmis Thorn og Diana Award auk samstarfsaðila hjá Jed Foundation, Tech Coalition og WeProtect Alliance, til að tryggja að starfsfólk okkar sé alltaf upplýst um ógnir og aðferðir til að draga úr áhættu.

Við munum halda áfram að betrumbæta reglur okkar, verkfæri og eiginleika í takt við þróun umhverfis sem er öruggara fyrir börn. Í millitíðinni skaltu halda áfram að lesa til að kynna þér þær ráðstafanir sem þú getur gripið til sem foreldri eða forráðamanneskja til að hjálpa okkur að gera upplifun ungra hlustenda betri.

Upplifun barnsins þíns á Spotify

Stofnun reiknings

Allir notendur verða að hafa náð viðeigandi aldurstakmarki í því landi sem tilgreint er á reikningnum þeirra. Ef barnið þitt hefur ekki náð lágmarksaldri til að nota Spotify eða uppfyllir ekki með öðrum hætti kröfur notkunarskilmála okkar verður að loka reikningi barnsins eða breyta honum í stýrðan reikning.

Það er mikilvægt að gefa réttar upplýsingar um aldur barnsins þegar reikningur er stofnaður. Það stuðlar að því að staðbundnum lögum sé fylgt og hjálpar okkur að veita upplifun í samræmi við aldur.

Stýrðir reikningar

Stýrðir reikningar bjóða upp á tónlistarupplifun sem er hönnuð til að gera börnum kleift að nota þjónustuna upp á eigin spýtur og gefa foreldrum og forráðamanneskjum verkfæri til að leiðbeina og móta hlustun þeirra. Þessi reikningur fyrir hlustendur undir 13 ára aldri (eða viðeigandi aldri í hverju landi fyrir sig) gerir þeim kleift að uppgötva nýja tónlist og byrja að móta sinn eigin smekk úr ríkulegu tónlistarúrvali okkar. Eftirfarandi eiginleikar gilda sjálfkrafa um alla stýrða reikninga:

• Aðeins tónlist: Hljóðbækur og hlaðvörp eru ekki í boði á stýrðum reikningum. Þar að auki eru sum lög hugsanlega ekki tiltæk, til dæmis lög með kynferðislegum texta, í samræmi við nálgun okkar sem mótuð er af Spotify Safety Advisory Council.
• Takmörkuð samskipti: Prófílar stýrðra reikninga eru lokaðir og hvorki er hægt að leita að þeim né finna. Notendur stýrðra reikninga geta heldur ekki leitað að eða fundið aðra Spotify-notendur eða tekið þátt í samspili og samblandi.
• Eiginleikar með aldurstakmarki: Stýrðir reikningar hafa ekki aðgang að eiginleikum með aldurstakmarki, svo sem skilaboðum eða tónlistarmyndböndum sem rétthafar hafa merkt 18+.
• Sjálfvirk leitarvörn: Lokað er á leitarfyrirspurnir og leitartillögur sem innihalda hugtök sem algengt er að tengist efni sem hæfir ekki ungum hlustendum.
• Auglýsingar: Stýrðir reikningar sem tilheyra Premium Fjölskylduáskrift fá aðgang að tónlist án auglýsinga. Þrátt fyrir að stýrðir reikningar í ókeypis þjónustu okkar fái auglýsingar takmarkast þær við auglýsingar með upplýsingum um Spotify-eiginleika og innihalda ekki beina tengla á kaup.

Þar að auki geta foreldrar/forráðamanneskjur notað stýringar okkar í appinu til að stjórna því hverju ungir hlustendur hafa aðgang að. Hvert barn er einstakt og ferðalag hverrar fjölskyldu sömuleiðis. Þess vegna erum við staðráðin í að þróa verkfæri okkar til að hjálpa foreldrum og forráðamanneskjum að deila tónlist á hátt sem hentar þeim. Í augnablikinu eru þessi verkfæri meðal annars:

• Stjórn á spilun tiltekinna flytjenda og laga: Foreldrar/forráðamanneskjur geta lokað á tiltekna flytjendur eða hljóðspor.
• Sía fyrir gróft efni: Foreldrar/forráðamanneskjur geta lokað á lög sem eru merkt af höfundum og rétthöfum sem gróf. Á stýrðum reikningum er lokað á gróft efni sjálfkrafa en foreldrar/forráðamanneskjur hafa val um að breyta því í stillingum sínum.
• Stýringar fyrir myndbönd og Canvas: Foreldrar/forráðamanneskjur geta stjórnað aðgangi ungra hlustenda að Canvas (stuttar myndlykkjur með lögum) og myndböndum á öllum vettvöngum Spotify. Á stýrðum reikningum er lokað á myndbönd og Canvas sjálfkrafa en foreldrar/forráðamanneskjur hafa val um að breyta því í stillingum sínum.

Viðbótarupplýsingar

Spotify Kids

Aðskilið app sem býður upp á sérsniðna upplifun og inniheldur efni sem hæfir yngri börnum betur. Frekari upplýsingar er að finna hér.

Tilkynning um brotlegt efni

Allt efni á Spotify verður að fylgja lögum í hverju landi og kerfisreglum Spotify. Reglurnar voru samdar af sérfræðingum okkar í öryggisreglum í samráði við virta öryggissérfræðinga á heimsvísu, þar á meðal Spotify Safety Advisory Council. Við erum líka með starfsfólk víðsvegar um heiminn sem vinnur að því allan sólarhringinn að tryggja að efni sé yfirfarið og að brugðist er við því með viðeigandi hætti.

Reglur okkar og það hvernig við framfylgjum er í stöðugri endurskoðun og þróast í takt við almennar breytingar á ofbeldishegðun, alþjóðlegt regluverk, nýjar gerðir af efni og ábendingar frá traustum samstarfsaðilum okkar á sviði öryggis.

Ef þú rekst á efni sem þú telur að brjóti í bága við kerfisreglur Spotify skaltu tilkynna það með því að fylla út þetta eyðublað. Frekari upplýsingar um tilkynnarkosti er að finna í öryggis- og persónuverndarmiðstöðinni okkar.

Persónuvernd á Spotify

Við leggjum okkur fram við að vernda persónugögn notenda okkar, þ.m.t. barna, og höfum innleitt virkni sem hjálpar til við að gæta að öryggi upplýsinga notenda. Sum notkun okkar á persónugögnunum þínum felst í því að mæla með efni á tungumálinu þínu, koma með tillögur að lögum sem við teljum að þér gæti líkað við eða hjálpa þér að uppgötva nýja uppáhaldsflytjandann þinn.

Frekari upplýsingar um notkun okkar á gögnunum þínum, persónuverndarréttindi þín og valkosti og hvernig þú breytir stillingunum þínum er að finna í öryggis- og persónuverndarmiðstöðinni og í persónuverndarstefnunni okkar. Ef þú ert foreldri eða forráðamanneskja ungs hlustanda með stýrðan reikning skaltu einnig skoðaupplýsingar okkar um persónuvernd fyrir foreldra og forráðamanneskjur sem hafa umsjón með stýrðum reikningum og persónuverndarstefnu okkar fyrir unga hlustendur.