Kerfisreglur Spotify

Markmið Spotify er að veita sköpunarkraftinum farveg – með því að gefa milljónum listamanna tækifæri til að lifa af list sinni og enn fleiri aðdáendum færi á að njóta afraksturs sköpunargáfu þeirra. Við teljum að besta aðferðin til að koma þessu til leiðar sé að skapa pláss fyrir listræna túlkun, hugmyndir, sjónarmið og raddir af ýmsu tagi. Það gæti þýtt að sumum líki ekki við allt efnið sem Spotify miðlar og eins að Spotify styðji ekki allt efnið sem miðlað er.

Það þýðir þó ekki að allt sé leyfilegt í kerfinu okkar. Til viðbótar við skilmálana sem þú samþykktir í tengslum við notkun þína á þjónustu okkar hjálpa þessar reglur til við að tryggja að allir fái örugga og ánægjulega upplifun.

Hverjar eru reglurnar?

Það er mikilvægt að vita hvaða efni er leyfilegt eða óleyfilegt á miðlinum okkar, hvort sem þú ert tónlistarmaður, hlaðvarpari eða annars konar efnishöfundur. Dæmin í köflunum hér á eftir eru ætluð til skýringa en eru ekki tæmandi yfirlit.

Varasamt efni

Spotify er staður þar sem fólk getur komið saman til að skapa, tjá sig, hlusta, deila, læra og fá innblástur. Spotify er ekki staður til að hvetja til ofbeldis, haturs, áreita eða stunda hvers kyns hegðun sem getur stefnt fólki í hættu á alvarlegum líkamsmeiðingum eða dauða. Hvað ber að forðast:

Efni sem hvetur til eða lofsamar alvarlegar líkamsárasir gagnvart einstaklingi eða hópum, inniheldur meðal annars, en takmarkast ekki við:

• að hvetja til eða lofsama sjálfsvíg og sjálfsskaðandi hegðun (ef þú eða einhver sem þú þekkir stundar sjálfsskaða eða hugsar um slíkt skaltu kynna þér leiðir til að fá aðstoð hér)
• að hvetja til eða hóta alvarlegum líkamsmeiðingum eða ofbeldisverkum gegn ákveðnum einstaklingi eða tilteknum hópi

Efni sem vekur athygli á eða styður hryðjuverkastarfsemi eða ofbeldisfullt athæfi, inniheldur meðal annars, en takmarkast ekki við:

• efni sem vegsamar eða lofar ofbeldisfulla öfgahópa eða meðlimi þeirra
• samræmingu, hvatningu, hótanir eða lofar ofbeldisverk sem framið er af, eða fyrir hönd ofbeldisfullra öfgahópa eða meðlima þeirra
• efni sem felur í sér leiðbeiningar eða kennsluefni ætlað til að fremja ofbeldis- og öfgafullt athæfi
• efni sem hvetur einstakling eða hóp til að fjármagna, grípa til ofbeldis- og öfgafulls athæfis eða til að taka þátt í starfsemi ofbeldisfulls öfgahóps

Efni sem beinist að ákveðnum einstakling eða tilteknum hópi í þeim tilgangi að áreita eða beita álíka ofbeldi, inniheldur meðal annars, en takmarkast ekki við:

• ítrekaðir kynferðislegir tilburðir gegn tilteknum einstaklingum
• að taka ítrekað fyrir ólögráða einstakling til að smána hann eða ógna honum
• að deila eða endurdeila persónulegu efni án samþykkis ásamt því að hóta að dreifa eða birta slíkt efni
• að deila, hóta að deila eða hvetja aðra til að deila persónulegum upplýsingum um einstaklinga, þar með talið kreditkorta- eða bankaupplýsingum, kennitölum o.s.frv.

Efni sem hvetur til ofbeldis eða haturs í garð einstaklinga eða hópa á grundvelli kynþáttar, trúarbragða, kynvitundar eða -tjáningar, kynferðis, uppruna, þjóðernis, kynhneigðar, aldurs, fötlunar eða annarra eiginleika sem tengjast kerfisbundinni mismunun eða jaðarsetningu, inniheldur meðal annars, en takmarkast ekki við:

• að lofa, styðja eða kalla eftir ofbeldi gagnvart einstaklingi eða hópi út frá ofantöldum eiginleikum
• að setja fram vanvirðandi fullyrðingar um einstakling eða hóp út frá ofantöldum eiginleikum
• að styðja eða vegsama haturshópa og tengdar ímyndir þeirra og/eða tákn

Efni sem vekur athygli á hættulegum röngum eða villandi læknisfræðilegum upplýsingum sem geta valdið óbeinum skaða eða skapa beina hættu fyrir lýðheilsu, inniheldur meðal annars, en takmarkast ekki við:

• að fullyrða að alnæmi, COVID-19, krabbamein eða aðrir alvarlegir lífshættulegir sjúkdómar séu gabb eða ekki raunverulegir
• að hvetja til neyslu bleikiefna til að lækna ýmis veikindi og sjúkdóma
• að styðja eða gefa í skyn að bóluefni sem samþykkt eru af heilbrigðisyfirvöldum séu þróuð til að valda dauðsföllum
• að hvetja fólk til að smitast viljandi af COVID-19 til að byggja upp ónæmi gegn því (t.d. með því að kynna eða halda „kórónuveirupartí“)

Efni sem hvetur til óleyfilegrar sölu á eftirlitsskyldum eða ólöglegum vörum, inniheldur meðal annars, en takmarkast ekki við:

• sala ólöglegra skotvopna eða íhluta skotvopna
• fíkniefnasala
• sala á dýrategundum í útrýmingarhættu eða vörum sem eru unnar úr dýrum í útrýmingarhættu

Efni sem styður, hvetur til eða greiðir fyrir kynferðislegri misnotkun barna eða misnotkun í hagnaðarskyni, inniheldur meðal annars, en takmarkast ekki við:

• myndrænt efni af ólögráða einstaklingum í kynferðislegum athöfnum eða lostafullt myndefni af nöktum einstaklingi undir lögaldri
• að stuðla að kynferðislegri misnotkun barns gegn greiðslu
• að hvetja til eða stuðla að kynferðislegum áhuga fullorðinna gagnvart ólögráða einstaklingum
• að styðja eða upphefja lokkunaratferli barnaníðinga eða normalísera það

Villandi efni

Hluti af því að þróa frábæra upplifun á Spotify felur í sér að við þurfum að treysta því að fólk gefi upp réttar upplýsingar um sig, að það svíki ekki eða reyni að misnota miðilinn. Ekki beita bellibrögðum til að blekkja aðra. Hvað ber að forðast:

Efni þar sem líkt er eftir öðrum í þeim tilgangi að blekkja, inniheldur meðal annars, en takmarkast ekki við:

• að líkja eftir öðrum höfundi með því að nota sama nafn, mynd og/eða lýsingu höfundar
• að sigla undir fölsku flaggi sem annar einstaklingur, vörumerki eða stofnun í því skyni að villa um fyrir öðrum

Efni sem kynnir falsað eða tilbúið efni sem ósvikið, á þann hátt að það getur valdið skaða, inniheldur meðal annars, en takmarkast ekki við:

• hljóð- eða myndupptökur frá raunverulegum og gildum heimildarmönnum sem hefur verið breytt þannig að merking eða samhengi upprunalega efnisins verður annað, en efnið er gefið út fyrir að vera satt og rétt, þannig að hætta getur skapast fyrir viðmælandann eða aðra einstaklinga
• hljóð- eða myndefni sem er búið til með tækni og látið líta út fyrir að vera satt, svo sem stafræn framleiðsla á kynferðislegu hljóð- og myndefni eða efni sem gefur ranglega til kynna að einhver hafi framið glæp

Efni þar sem reynt er að hafa áhrif á eða trufla kosningatengd ferli, inniheldur meðal annars, en takmarkast ekki við:

• röng eða villandi framsetning á borgaralegu ferli sem gæti dregið úr eða hindrað þátttöku í því
• villandi efni sem kynnt er til að hræða eða fæla kjósendur frá þátttöku í kosningum

Efni þar sem reynt er að notfæra sér Spotify-samfélagið, inniheldur meðal annars, en takmarkast ekki við:

• að birta, deila eða gefa leiðbeiningar um uppsetningu spilliforrita eða tengdar aðferðir sem leitast við að valda skaða eða fá óviðkomandi aðgang að tölvum, netkerfum, kerfum eða annarri tækni
• vefveiðar eða tengdar tilraunir til að falast eftir eða safna viðkvæmum upplýsingum með blekkingum
• að stuðla að fjárfestingar- og fjármálasvikum sem geta falist í gylliboðum um skjótfenginn gróða og pýramídasvindli eða í því að hvetja aðra til að láta af hendi peninga með öðrum hætti á fölskum forsendum

Viðkvæmt efni

Á Spotify er ótrúlegt úrval af frábæru efni en það eru nokkrir hlutir sem við leyfum ekki. Ekki má birta gróft ofbeldisfullt efni, myndrænar lýsingar á ofbeldi eða gróft kynferðislegt efni. Hvað ber að forðast:

Efni sem vekur athygli á myndrænum eða óþörfum lýsingum á ofbeldi, blóðsúthellingum eða annað yfirgengilegt myndefni, inniheldur meðal annars, en takmarkast ekki við:

• alvarlega limlest eða sundurlimuð lík
• efni sem styður dýraníð eða pyntingar á dýrum

Efni sem inniheldur gróft kynferðislegt efni, inniheldur meðal annars, en takmarkast ekki viði:

• klám eða myndrænar lýsingar á kynfærum eða nekt sem settar eru fram í þeim tilgangi að veita kynferðislega fullnægingu
• að styðja eða upphefja kynferðislegt efni sem tengist nauðgunum, sifjaspelli eða kynmökum við dýr

Ólöglegt efni

Lög eru sett til að fara eftir þeim. Sama hver þú ert, þá ber þér skylda til að fara eftir gildandi lögum og reglugerðum. Hvað ber að forðast:

Efni sem brýtur gegn gildandi lögum og reglum, inniheldur meðal annars, en ekki takmarkað við eftirfarandi:

• efni sem er ekki í samræmi við gildandi þvingunaraðgerðir og útflutningsreglur
• efni sem ætlað er að styðja við eða framkvæma ólöglegt athæfi af einhverju tagi

Efni sem brýtur gegn hugverkarétti annarra, inniheldur meðal annars, en ekki takmarkað við eftirfarandi:

• efni sem komið er til Spotify án viðeigandi leyfis
• efni sem brýtur á höfundarrétti eða vörumerkjum þriðju aðila

Hvernig framfylgir Spotify þessum reglum?

Spotify leitast við að framfylgja þessum reglum á samræmdan hátt um allan heim með því að nota sambland af tækni og mennskri yfirferð. Auk tilkynninga frá notendum notum við sjálfvirk verkfæri sem reiða sig á samsetningu merkja til að greina efni sem kann að brjóta gegn kerfisreglum okkar.

Við erum með alþjóðleg teymi sérfræðinga sem þróa, halda við og framfylgja kerfisreglum okkar. Þegar efni sem kann að vera brotlegt er tilkynnt eða greint grípa teymi okkar til viðeigandi aðgerða.

Hvað gerist þegar reglur okkar eru brotnar?

Við tökum þessar ákvarðanir alvarlega og höfum samhengi í huga þegar við metum hugsanleg brot á kerfisreglum. Ef brotið er gegn reglunum getur það leitt til þess að brotlega efnið verði fjarlægt af Spotify. Endurtekin eða svívirðileg brot geta leitt til þess að reikningar verði gerðir óvirkir tímabundið og/eða þeim verði lokað. Frekari upplýsingar um aðrar aðgerðir sem við kunnum að grípa til í tengslum við efni eða reikninga má finna hér.

Hvað annað þarf ég að vita?

Þessar kerfisreglur munu hjálpa til við að tryggja að Spotify verði áfram opið og öruggt kerfi fyrir alla. Við munum halda áfram að meta og uppfæra þessar upplýsingar eftir þörfum og mælum með því að þú skoðir þær reglulega. Hugsanlega gilda viðbótarkröfur um einhverjar vörur eða eiginleika Spotify sem þú notar.

Hvernig tilkynni ég vandamál?

Hefur þú rekist á vandamál varðandi efni á Spotify? Þá skaltu láta okkur vita með því að tilkynna það hér.