Aðgengismiðstöð

Áætlun Spotify

Spotify, í samráði við Fable og fatlað fólk, hefur auðkennt hindranir undir hverjum þessara liða og hefur lýst aðferðum og fyrirkomulagi sem þeir ætla að nota til að fjarlægja og koma í veg fyrir þær hér að neðan.

Ráðning

Við byggjum upp Spotify sem endurspeglar fjölbreytileika þeirra radda sem eru á verkvangi okkar og í þeim samfélögunum þar sem við erum við leik og störf. Við erum staðráðin í að stuðla að sanngirni, fjarlægja hindranir og hlúa að menningu þar sem allir vinnufélagar geta vaxið og náð árangri. Nauðsynlegt er að skapa aðgengilegan vinnustað til að efla fólkið okkar og knýja áfram vöxt Spotify á þann hátt sem gagnast öllum. Þegar tækifæri eru öllum aðgengileg, njótum við öll góðs af.

Hvar við erum stödd

Skuldbinding okkar um að byggja Spotify fyrir alla kemur skýrt fram, en við vitum að enn er verk fyrir höndum til að bæta ráðningarferlið okkar, aðlögunarferlið og skilning á þörfum starfsfólks með fötlun. Við vitum að misskilningur um fötlun fyrirfinnst og við viljum draga úr fordómum og styðja stjórnendur okkar í að taka forystu. Við erum stolt af alþjóðlegri hugmyndafræði okkar um aðlögun á vinnustöðum og munum halda áfram að tryggja að allir vinnufélagar hafi þau tæki sem þeir þurfa til að gera sitt besta. Og að lokum erum við staðráðin í að tryggja að umsækjendur í ráðningarferli okkar (bæði utanaðkomandi og innbyrðis) hafi fleiri tækifæri til að óska eftir stuðningi.

Aðgerðaáætlun

• Taka þátt í jafnréttisstuðli fatlaðs fólks til að mæla árangur okkar.
• Velja aðalbakhjarl fyrir starfshóp okkar um fötlun og taugafræðilegan fjölbreytileika.
• Bæta aðgengi að ráðningarferlinu okkar, þar á meðal ytri ráðningarvefsíðu okkar, Life at Spotify og innri starfshreyfanleikavettvangi okkar.
• Halda áfram að þróa úrræði, áætlanir, verkfæri og stuðning fyrir fatlaða og skynsegin starfsmenn og stjórnendur.
• Vera í samstarfi við samfélagsupplifunarteymi okkar til að tryggja að allir viðburðir innanhúss starfsmanna séu aðgengilegir – fylgjast með beiðnum um aðgengi á viðburðum til að hjálpa til við framtíðarskipulagningu.
• Endurskoða innri mannauðskerfi og forrit og vinna í að tryggja aðgengi fyrir alla starfsmenn.
• Fara yfir aðhæfingarferlið til að auðkenna svið sem þarfnast úrbóta.

Uppbygging umhverfisins

Hjá Spotify geta starfsmenn valið að vinna þar sem þeir vinna best – hvort sem það er heima, á skrifstofunni eða einhvers staðar allt annars staðar. Þegar þeir velja að vinna á skrifstofum okkar vinnum við hörðum höndum að því að bjóða upp á aðgengileg rými fyrir alla. Við vitum hversu mikilvægt aðgengi vinnurýmis er – ef ekki er hægt að stilla lýsingu sjálfstætt fyrir vinnusvæði einstaklings eða engin stefna um ilmefnaleysi er fyrir hendi getur það valdið sársauka, öndunarerfiðleikum eða skynjunarálagi, sem gerir það erfitt eða ómögulegt að einbeita sér að vinnuverkefnum.

Hvar við erum stödd

Meginreglur okkar um skrifstofuhönnun, sem ráða alþjóðlegri skrifstofuhönnun og skipulagi Spotify, fela í sér skuldbindingu um aðgengi. Við fylgjum einnig markaðsreglum til að tryggja að við uppfyllum gildandi staðla um aðgengi. Við bjóðum upp á reglubundna vinnuvistfræðilega ráðgjöf fyrir alla starfsmenn sem og sanngjarna aðstöðu, eins og vinnustöðvar með stillanlegri hæð eða annan vinnuvistfræðilegan aukabúnað, eftir þörfum.

Það hefur alltaf verið markmið okkar að tryggja að rýmin okkar uppfylli skilgreiningua á „aðgengilegu“ til hlítar og hannum rýmin okkar á þann hátt að allar núverandi hindranir séu fjarlægðar, þar á meðal við göngustíga og biðsvæði. Samt sem áður upplifir fólk stundum hindranir þegar það heimsækir skrifstofur Spotify, eins og hurðir án sjálfvirkra opnunarskynjara. Og þó að við höfum skýrar leiðbeiningar um aðgengi í dag ríkir ósamræmi hvað varðar innleiðingu þessara leiðbeininga í rýmum okkar.

Aðgerðaáætlun

• Eiga samskipti við starfsmenn um fjölbreytt rými og aðstöður sem þeim standa til boða, eins og hljóðlát svæði (Focus Areas) og fundarklefa (Presentation Pods).
• Uppfæra aðgengisleiðbeiningar okkar og nota þær fyrir öll ný verkefni.
• Gera úttekt á leiðbeiningum okkar til að finna gloppur og bæta úr þeim með uppfærslu.
• Veita alþjóðlega vinnustaðarþjónustuteyminu okkar aðgengisþjálfun.

Upplýsinga- og samskiptatækni (UFT)

Í þessum hluta er áhersla lögð á fólkið og tæknina sem við notum til að veita stuðning. Við viljum að upplifunin af því að fá stuðning frá Spotify sé eins leiðandi og aðgengileg og vörurnar okkar. Við hvetjum fólk til að bera kennsl á allar þær aðgengisþarfir sem ekki hafa verið uppfylltar á verkvangi okkar og hafa samband við okkur í gegnum athugasemdaferlið okkar. Fyrir þessa skýrslu höfum við farið yfir allar fyrirliggjandi athugasemdir og reynt að lagfæra vandamál sem athygli okkar hefur verið vakin á.

Hvar við erum stödd

Þjónustufulltrúar Spotify þurfa að fara í gegnum aðgengisþjálfun. Við bjóðum upp á sérstaka leið fyrir athugasemdir varðandi aðgengi og erum stolt af því að vera í samstarfi við Be My Eyes (BME) til að tengja blinda og sjónskerta við teymið okkar til að veita þeim aðstoð. Við höfum einnig átt í samstarfi við innra aðgengisteymi Spotify við úttekt á rituðu efni okkar til auka skýrleika, bæta orðaforða og snið. Hins vegar væri hægt að gera hluta af hugbúnaðinum sem við notum til að veita viðskiptavinum okkar þjónustu enn aðgengilegri, sérstaklega þar sem hugbúnaðurinn var ekki hannaður með hönnunarkerfi Spotify, sem almennt tryggir að aðgengiseiginleikar eins og breyting á stærð texta og almennilegur litamunur séu fyrir hendi. Einnig væri hægt að bæta þjálfun okkar og hagræða henni þannig að hún nái út til allra teyma í stuðningsvistkerfinu okkar.

Aðgerðaáætlun

Á næstu þremur árum stefnum við að því að koma á fót aðgengismenningu innan þjónustuteymisins.

• Koma á fót teymi innan teymisins okkar með sérhæfða þekkingu, færni og verkfæri til að styðja fatlað fólk.
• Þjálfa öll teymi þannig að þau veiti fötluðum notendum mikinn stuðning.
• Leysa vandamál sem fyrir eru og betrumbæta þjónustuver okkar, sjálfsafgreiðslufleti og þjarkaupplifun til að bæta aðgengi þeirra.
• Koma á ferli til að gera stöðugar úttektir og endurbætur á þjónustuverkfærum sem snúa að viðskiptavinum.
• Leysa vandamál sem fyrir eru og bæta aðgengi að innri stjórntækjum.
• Koma á ferli til að gera stöðugar úttektir og endurbætur á innri stjórntækjum sem snúa að utanaðkomandi starfsfólki.
• Víkka út árangursstjórnunarramma okkar til að taka aðgengistengd samskipti enn meira inn í reikninginn.
• Viðhalda og endurskoða nálgun höfunda okkar svo að hún endurspegli aðgengilega ritstaðla (eins og þeir eru skilgreindir af hönnunarkerfi Spotify) og birta efni sem uppfyllir margvíslegar þarfir og námsstíla viðskiptavina.
• Framkvæma stöðugt eftirlit og gera umbætur byggðar á athugasemdum viðskiptavina og reglulegum úttektum.

Samskipti, önnur en upplýsinga- og samskiptatækni

Þetta felur í sér innri og ytri samskipti frá Spotify, undir forystu teyma, þar á meðal vörumerkis-, samskipta- og samstarfsteyma. Starfsmenn okkar heyra frá okkur í gegnum innri skriflegar og beinar rásir, en fólk utan fyrirtækisins gæti séð okkur í markaðsrýmum utan heimilis eða á samfélagsmiðlum sínum.

Hvar við erum stödd

Við leitumst við að nota aðgengilegt efni í öllum samskiptum okkar og erum staðráðin í að framkvæma áframhaldandi mat og gera endurbætur á stöðlum. Þessi áætlun felur í sér markvissa þróun í átt að þroskaðra verklagi þegar kemur að afurðum.

Aðgerðaáætlun

• Nota og staðla aðgengileg snið og samskipti þvert á netupplifun eins og fréttastofuna okkar eða samfélagsmiðlarásir.
• Skipuleggja bestu starfsvenjur við meðhöndlun innri og ytri mynda, eigna og framsetningar.
• Byggja upp kerfi fyrir starfsmenn til að deila athugasemdum innanhúss varðandi efnissniðmát.
• Endurskoða markaðsefni og úrræði til að bera kennsl á hugsanlegar úrbætur eða gagnleg úrræði sem við gætum bætt við.
• Vinna með svæðisteymum til að tryggja að allar samfélagsmiðlarásir hafi virkjað sjálfvirka skjátexta og aðra innbyggða aðgengiseiginleika verkvangsins.
• Ráðfærast við Fable til að meta núverandi staðla okkar fyrir upplifunarmarkaðssetningu og skipuleggja frekari ráðstafanir.
• Senda skilaboð fyrir komu til boðsgesta á raunheimaviðburð til að koma í veg fyrir hugsanleg óþægindi (t.d. „þessi viðburður mun innihalda flutning með blikkandi ljósum“).

Kaup á vörum, þjónustu og aðstöðu

Hjá Spotify fela kaup í sér hluti eins og hugbúnað og skýjainnviði, svo og skrifstofuvörur, sérfræði- og fyrirtækjaþjónustu, markaðssetningu og margt fleira. Þetta mikla umfang felur í sér fjögurra fasa ferli sem samanstendur af aðföngum, mati, samningaviðræðum og lokafrágangi. Við stefnum að því að fella aðgengi inn í ferlið okkar.

Hvar við erum stödd

Sem innkaupateymi höfum við metið núverandi stöðu okkar og komist að því að á vefsíðu Spotify fyrir söluaðila er ekki minnst á afstöðu okkar til aðgengis. Að auki tökum við ekki tillit til aðgengis eins og er við val á söluaðilum og inngöngu þeirra.

Aðgerðaáætlun

• Setja í forgang að uppfæra vefsíðuna „Spotify for Vendors" með aðgengisyfirlýsingu okkar, sem mun styðja við innri og ytri félagsmótun stefnunnar.
• Meta helstu stefnumótandi söluaðila í viðkomandi útgjaldaflokkum til að leggja mat á aðgengissjónarmið.
• Þróa áætlun til að fella aðgengisspurningar inn í núverandi ferli fyrir beiðni um tillögu og inngönguferli söluaðila fyrir viðeigandi flokka.

Hönnun og framkvæmd áætlana og þjónustu

Þessi hluti inniheldur upplýsingar um hvernig við þjálfum hönnuði, verkfræðinga og alla þá sem bera ábyrgð á að búa til vörur fyrir Spotify, nálgun okkar við að búa til aðgengilegar vörur og hönnunaraðferðirnar sem við notum til að gera þær eins aðgengilegar og mögulegt er fyrir hvers kyns notendur.

Við höfum skipt þessum mikilvæga flokki niður í fjóra hluta:

1. Þjálfun og skjalasafn
2. Teymi
3. Úttektir, rannsóknir og greining
4. Ferli

Þessi flokkur er í sameiginlegri eigu þjálfunar-, aðgengis- og hönnunarteyma Spotify.

Hvar við erum stödd

Þjálfun, aðgengi, hönnunarkerfi og stjórnendateymi aðstoða við uppbyggingu aðgengilegra vara, en það má alltaf gera betur. Þegar stafrænar vörur okkar og tól eru ekki prófuð af fötluðu fólki gætu þau verið erfið í notkun, valdið því að starfsmenn vinni hægar eða að viðskiptavinir skipti yfir í aðra þjónustu sem er auðveldari í notkun. Og ef starfsmenn hafa ekki fullnægjandi þjálfun getur það leitt til þess að færri fatlaðir starfsmenn haldist í starfi og hljóti stöðuhækkanir eða lélegrar þjónustuupplifunar fyrir fatlaða viðskiptavini.

Þjálfun og skjalasafn

• Við höldum námskeið um aðgengi og verklega tíma.
• Við bjóðum upp á rafrænar námseiningar frá Fable, þar á meðal eru: Intro to Digital Accessibility (Kynning á stafrænu aðgengi), Accessible User Experience (Aðgengileg notendaupplifun), Testing Accessibility (Prófun á aðgengi), Accessible Web Development (Aðgengileg vefþróun), Accessible Mobile Apps (Aðgengileg farsímaforrit) fyrir iOS og Accessible Mobile Apps (Aðgengileg farsímaforrit) fyrir Android.
• Við fylgjumst með hlutfalli þeirra sem ljúka áföngunum á Greenhouse, námsvettvanginum okkar á netinu.
• Okkur vantar stjórnborð og ítarlega tölfræði fyrir aðgengisáætlunina.
• Svigrúm er til úrbóta varðandi aðgengi á innri verkvöngum Spotify og vörum sem starfsmenn nota.
• Við búum yfir umfangsmiklu skjalasafni, aðgerðum og úrræðum um aðgengi fyrir alla markhópa, en það er alltaf pláss fyrir betra skipulag, meiri skýrleika og forvirka innri markaðssetningu.

Teymi

• Við verðlaunum teymi og einstaklinga sem setja aðgengi í forgang.
• Við erum í sambandi við nokkra aðgengissöluaðila, þar á meðal, en ekki takmarkað við Fable.
• Við erum með sérstakt teymi aðgengisverkfræðinga, rekstrarverkfræðinga og verkefnastjóra.
• Vöruteymi hafa engan sem ber sérstaklega ábyrgð á aðgengi.

Aðgengisúttektir, rannsóknir og greining

• Til er ferli til að óska eftir aðgengisúttekt, sem og fyrirliggjandi úttektir.
• Við gerum öll notendapróf og rannsóknarkannanir aðgengilegar öllum hjá Spotify.
• Prófanir okkar fyrir ræsingu eru takmarkaðar að umfangi og ná ekki til notenda hjálpartækni.

Ferli

• Hönnunarkerfið okkar býður upp á aðgengileg litaþemu, kvarðatög, íhluti og skipan.
• Leiðbeiningar um aðgengilega hönnun og skrif eru birtar á vefsíðu hönnunarkerfisins okkar.
• Hönnunarteymi hafa ekki alltaf sérfræðiþekkingu til að forgangsraða aðgengisþörfum á hæsta stigi og koma á jafnvægi milli ólíkra hönnunarsjónarmiða.
• Nálgun okkar við þróun aðgengilegra vara getur verið afturvirk, oft vegna samkeppni á milli forgangsverkefna, sem þýðir að við tökum á aðgengisvandamálum eftir að varan er gefin út.

Aðgerðaáætlun

Þjálfun og skjalasafn

• Berjast fyrir því að allir starfsmenn rannsókna og þróunar ljúki aðgengisþjálfun.
• Uppfæra námskeið til að gera þau meira viðeigandi fyrir tiltekin vörusvið.
• Hvetja fólk til að ljúka ítarlegri, hlutverkatengdri þjálfun.
• Þróa sjálfsnámspakka fyrir aðgengi svo teymi geti þjálfað sig sjálf.
• Þróa og skipuleggja samskiptaáætlun fyrir núverandi námskeið til að auka skilning innanhúss.
• Fara yfir niðurstöður áætlunarinnar og safna athugasemdum til að bera kennsl á þau svæði sem þarfnast úrbóta. Aðlaga áætlunina eftir þörfum fyrir komandi útgáfur.
• Veita innsýnarteyminu lykiltölfræði úr þjálfun, þar á meðal skráningar- og athugasemdagögn og bæta innihald þjálfunarefnis og tiltækileika út frá þessum upplýsingum.

Teymi

• Koma á fót innanhúss teymi sem er sérhæft í aðgengi og hvetja meðlimi til að hafa áhrif á fyrirtækið til að stuðla að því að aðgengi sé sett í forgang samhliða eiginleikum sem ekki lúta að virkni kerfisins.
• Stækka innanhúss teymi sérhæft í aðgengi og halda áfram að berjast fyrir aðgengi.
• Gera innanhúss aðgengisteymið okkar hluta af formlegri starfsþróun hjá Spotify, til dæmis með því að gera frumkvæði í aðgengisþróun að nýrri forsendu í starfsþróunarramma Spotify.

Aðgengisúttektir, rannsóknir og greining

• Meta stöðugt stöðu aðgengis hjá Spotify með reglulegum úttektum með aðstoð fatlaðs fólks og fylgjast með viðbragðstímanum til að stytta tímann á milli uppgötvunar vandamálsins og úrlausnar þess.
• Viðhalda aðgengisstöðlum með skapandi vörumerkjum.
• Nota gagnadrifna greiningu og frásögn til að fylgjast með vinnu að aðgengi og veita hrós yfir gjörvallt fyrirtækið fyrir frumkvæði á þessu sviði.
• Gera úttekt á smásíðum og vefsvæði Spotify.
• Víkka svið úttekta og aðgengis út til innri vara.

Ferli

• Fyrir vöruuppgötvunarstigið:
  • Kortleggja öll aðalatriði í líftíma hönnunar-, vöru- og hugbúnaðarþróunar sem gætu notið góðs af viðeigandi verkfærum, prófunarinnviðum og sjálfvirkni.
  • Búa til/innleiðið viðeigandi verkfæri, prófunarinnviði og sjálfvirkni fyrir/í viðeigandi hluta verkflæðis hönnunar-, vöru- og hugbúnaðarþróunar okkar.
• Ítrunar- og viðhaldsstig:
  • Fjárfesta í viðeigandi verkfærum, prófunarinnviðum og sjálfvirkni til að gera okkur kleift að leiða aðgengismiðaða hugsun fyrr inn í lífsferil vöruþróunar.
  • Kynna verkflæði fyrir starfsmenn Spotify þar sem þeir geta sjálfir betrumbætt viðeigandi aðgengisefni.
• Stöðug aðstoð við úrlausnir vandamála þegar þau koma upp.
• Viðhalda aðgengisstöðlum með skapandi vörumerkjum.