Imithetho Yenkundla Ye-Spotify

Umgomo we-Spotify ukuvula amandla obuciko babantu – ngokunikeza izigidi zabaculi abangamaciko ithuba lokuphila ngobuciko babo kanye nezigidigidi zabalandeli ithuba lokujabulela futhi bakhuthazwe yibo. Sikholelwa ukuthi ukuzuza lo mgomo enkundleni yethu kwenziwe ukwamukela izinhlobo ezihlukene zokuzibonakalisa ngobuciko, imicabango, imibono, namazwi. Lokhu kungase kusho ukuthi okunye okuqukethwe enkundleni yethu kungase kungathandwa umuntu ngamunye noma okuqukethwe okutuswa i-Spotify.

Nokho, lokho akusho ukuthi uzenzela umathanda enkundleni yethu. Ngaphezu kwemigomo oyivumile elawula ukusebenzisa kwakho amasevisi ethu, le mithetho isiza ukuqinisekisa ukuthi wonke umuntu unokusebenzisa okuphephile nokujabulisayo.

Ithini imithetho?

Kungakhathaliseki ukuthi ungumculi, umenzi wama-podcast, noma unelinye igalelo, kubalulekile ukuqaphela lokho okuvunyelwe enkundleni yethu. Izibonelo ezisezahlukweni ezingezansi ezokufanekisa kuphela futhi azihlanganisi konke.

Okuqukethwe Okuyingozi

I-Spotify iyikhaya lemiphakathi lapho abantu bekwazi khona ukusungula, baveze imizwa yabo, balalele, babelane, bafunde, futhi bakhuthazeke. Ungakhuthazi udlame, ugqugquzele inzondo, uhlukumeze, uqhwage noma ube yingxenye yokuziphatha ngendlela engase ibeke abantu engozini yokulimala okubucayi okungokomzimba noma ukufa. Okufanele ukugweme:

Okuqukethwe okukhuthaza noma okutusa ukulimala okubucayi ngokomzimba okubhekiselwe kubantu ngabanye noma eqenjini kuhlanganisa, kodwa akugcini:

• ngokukhuthaza, ukukhangisa, noma ukutusa ukuzibulala nokuzilimaza (uma wena noma othile omaziyo ethwele kanzima noma ecabanga ngokuzilimaza, sicela ubone lapha ukuze uthole izindlela zokuthola usizo)
• ngokugqugquzela noma ukusongela ukulimaza emzimbeni noma udlame olubhekiswe kumuntu othile noma iqembu elithile

Okuqukethwe okugqugquzela noma okusekela ubuphekula noma izenzo zodlame kuhlanganisa, kodwa akugcini:

• ngokutusa noma ukubeka phezulu amaqembu odlame noma amalungu awo
• ukuxhumanisa, ukugqugquzela, ukusongela, noma ukutusa isenzo sodlame esenziwe amaqembu odlame noma egameni labo noma amalungu awo
• ukunikeza imiyalelo noma izinto eziyalela ukwenza isenzo sodlame
• ukucela umuntu noma amaqembu ukuthi axhase ngokwezimali, enze isenzo sodlame, noma abe yingxenye yemisebenzi yamaqembu odlame

Okuqukethwe okubhekene nomuntu noma iqembu elihlukumezayo noma ukuhlukumeza okuhlobene nakho kuhlanganisa, kodwa akugcini ngalokhu:

• ukunaka ngokuphindaphindiwe abantu abathile ngezinhloso zocansi
• ukunaka ingane ngokuphindaphindiwe ukuze uyihlaze noma uyisabise
• ukwabelana noma ukuthumelelana okuqukethwe kocansi kungavunyelwene ngakho, kanye nezinsongo zokusabalalisa noma ukuveza lokho okuqukethwe
• ukwabelana, ukusongela ngokwabelana, noma ukukhuthaza abanye ukuthi babelane ngemininingwane yomuntu siqu eyimfihlo, okuhlanganisa ikhadi lokuthenga ngesikweletu noma imininingwane yasebhange, izinombolo Zikamazisi Kazwelonke, njll.

Okuqukethwe okukhuthaza udlame noma inzondo ebhekiswe kumuntu noma eqenjini labantu ngokusekelwe kubuhlanga, inkolo, ubulili noma lokho abayikho ngokobulili, ucansi, indabuko, ubuzwe, lokho okuncamelayo kwezocansi, isimo sokuba umakadebona, ubudala, ukukhubazeka noma ezinye izici ezihlobene nokubandlululwa noma ukucwaswa okuhleliwe kuhlanganisa, kodwa akugcini:

• ngokutusa, ukusekela, noma ukukhuthaza udlame olubhekiswe kumuntu noma iqembu labantu ngokusekelwe ezicini ezibalwe ngenhla
• ngezitatimende ezehlisa isithunzi somuntu noma iqembu labantu ngokusekelwe kulokhu okubalwe ngenhla
• ngokukhangisa noma ukutusa amaqembu enzondo nemifanekiso ehlobene nawo, kanye/noma izimpawu zawo

Okuqukethwe okugqugquzela ulwazi lwezokwelashwa oluyingozi olukhohlisayo noma oludukisayo olungase lulimaze ngale kwe-inthanethi noma lubangele ubungozi empilweni yomphakathi kuhlanganisa, kodwa akugcini kulokhu:

• ukuqinisekisa ukuthi i-AIDS, i-COVID-19, umdlavuza noma ezinye izifo ezibulalayoa zingamanga noma azilona iqiniso
• ukukhuthaza ukuphuzwa kwemikhiqizo ye-bleach ukuze kwelashwe izifo nokugula okunhlobonhlobo
• ukukhuthaza noma ukuphawula ngokuthi imithi yokugoma yeziphathimandla zezempilo zasendaweni yenzelwe ukubulala
• ukukhuthaza abantu ukuthi batheleleke nge-COVID-19 ngamabomu ukuze bakhe ukuvikeleka kuyo (isib. ukukhangisa noma ukusingatha “amaphathi okusabalalisa igciwane le-corona”)

Okuqukethwe okugqugquzela ngokungemthetho ukudayiswa kwezimpahla ezilawulwayo noma ezingekho emthethweni kuhlanganisa, kodwa akugcini kuphela :

• ngokudayisa izibhamu ezingekho emthethweni noma izingxenye zezibhamu
• ngokudayisa izidakamizwa ezingekho emthethweni
• ngokudayisa izilwane ezisengozini yokushabalala noma imikhiqizo ethathelwe ezilwaneni ezisengozini yokushabalala

Okuqukethwe okugqugquzela, okunxenxa, noma okukhuthaza ukuhlukunyezwa noma ukuxhashazwa kwezingane ngokocansi kuhlanganisa, kodwa akugcini kulokhu:

• imifanekiso yengane yenza ucansi noma imifanekiso evusa inkanuko yengane enqunu
• ukukhangisa izenzo zokuhlukunyezwa kwengane ngokocansi ukuze ithole imali
• abantu abadala abakhuthaza noma abakhangisa ukuheheka ngokocansi ezinganeni
• ngokukhangisa, ukujwayeza, noma ukutusa izindlela zokuqeqesha izingane ngokocansi

Okuqukethwe Okukhohlisayo

Ukusungula ukusebenzisa okuhle ku-Spotify kudinga ukwethemba ukuthi abantu bayilokho abathi bayikho, ukuthi ngeke bagetshengwe, nokuthi akekho ozama ukulutha inkundla yethu. Ungasebenzisi izindlela ezinonya ukuze ukhohlise abanye. Okufanele ukugweme:

Okuqukethwe okulingisa abanye ukuze kukhohlise kuhlanganisa, kodwa akugcini:

• ngokuphindaphinda igama elifanayo, umfanekiso, kanye/noma incazelo efana neyomunye umsunguli okhona kakade
• ngokuzenza omunye umuntu, umkhiqizo, noma inhlangano ngendlela edukisayo

Okuqukethwe okukhangisa indaba engamampunge nekukhohlisayo ebekwe njengeqiniso ngezindlela ezinobungozi bokulimala kuhlanganisa, kodwa akugcini:

• ngokuqoshiwe okulalelwayo noma ividiyo okuqhamuka emthonjeni wangempela nothembekile okushintshiwe ngendlela eshintsha incazelo noma umongo wendaba yangempela futhi okubikwa ukuthi kuyiqiniso, nokubangela ingozi yokulimala esikhulumini noma kwabanye abantu
• ngendaba elalelwayo noma ebukwayo eyenziwe ngobuchwepheshe ebonakala iyiqiniso, efana nokuqukethwe kocansi okulalelwayo nokwevidiyo noma okuqukethwe okwenza engathi othile wenze ubugebengu obuthile

Okuqukethwe okuzama ukushintsha noma ukugxambukela kwizinqubo ezihlobene nokhetho kuhlanganisa, kodwa akugcini:

• ngokumelela ngokungeyikho izinqubo enqutsheni yomphakathi engase ingakhuthazi noma ivimbe ukubamba iqhaza
• ngokuqukethwe okudukisayo okukhuthaza ukusabisa noma ukucindezela abavoti ukuze bangabambi iqhaza okhethweni

Okuqukethwe okuzama ukusebenzisa kabi umphakathi we-Spotify kuhlanganisa, kodwa akugcini:

• ngokuphosta, ngokwabelana, noma ngokunikeza imiyalelo yokulimaza noma izenzo ezinonya ezihlose ukulimaza noma ukuthola ukufinyelela okungagunyaziwe kumakhompyutha, amanethiwekhi, izinkundla zokusebenza, noma obunye ubuchwepheshe
• ngobugebengu bokweba imininingwane noma imizamo ehlobene ukuze kutholwe noma kuqoqwe ngokukhohlisa ulwazi olubucayi
• ngokukhangisa izinhlelo zokutshala imali nezinhlelo ezikhohlisayo zezimali ezifana nokuceba ngokushesha nezamabhanoyi emali, noma ngokukhuthaza abanye ukuthi bakhiphe imali ngokubakhohlisa

Okuqukethwe Okubucayi

Sinokuqukethwe okuningi okumangalisayo ku-Spotify, kodwa kukhona izinto ezithile esingazivumeli enkundleni yethu. Ungaxhomi okuqukethwe okunodlame olwedlulele noma olunyantisayo, futhi ungaxhomi izinto ezibonisa ucansi ngokusobala. Okufanele ukugweme:

Okuqukethwe okukhangisa imifanekiso enyantisayo yodlame, unya, noma eminye imifanekiso eshaqisayo kuhlanganisa, kodwa akugcini:

• ngemizimba ecwiyiwe noma enqunyiwe
• ngokukhuthaza ukuhlukunyezwa noma unya olubhekiswe ezilwaneni

Okuqukethwe okuqukethe izinto ezibonisa ucansi ngokusobala kuhlanganisa, kodwa akugcini:

• ngezithombe zocansi noma imifanekiso yezitho zobulili noma ubunqunu obuboniswa ngenjongo yokuzanelisa ngokocansi
• ngokukhuthaza noma ngokutusa ingqikithi yocansi ehlobene nokudlwengula, ukulalana kwezihlobo, noma ukulala nesilwane

Okuqukethwe Okungekho Emthethweni

Umthetho umthetho. Kungakhathaliseki ukuthi ungubani, kuyisibopho sakho ukuthobela imithetho nemithethonqubo esebenzayo. Okufanele ukugweme:

Okuqukethwe okwephula imithetho esebenzayo nezimiso kuhlanganisa, kodwa akugcini:

• ngokuqukethwe okungathobeli unswinyo olusebenzayo kanye nemithetho yokuthekelisa
• ngokuqukethwe okuhloselwe ukukhuthaza noma ukwenza isenzo esingekho emthethweni sanoma yiluphi uhlobo

Okuqukethwe okwephula amalungelo obunikazi bobuciko kuhlanganisa, kodwa akugcini:

• ngokuqukethwe okunikezwe i-Spotify ngaphandle kokuthola izimvume ezidingekayo
• ngokuqukethwe okwephula amalungelo okushicilela noma izimpawu zokuhweba zenkampani yangaphandle

I-Spotify iyiphoqelela kanjani le mithetho?

I-Spotify ihlose ukusebenzisa le mithetho ngokungaguquki nasezingeni lomhlaba wonke isebenzisa inhlanganisela yobuchwepheshe nokubuyekeza okwenziwa abantu. Ngaphezu kwemibiko yomsebenzisi, sisebenzisa amathuluzi azenzakalelayo athembele enhlanganiseleni yezinkomba ukuze sithole okuqukethwe okungahle kwephule Imithetho Yenkundla yethu.

Sinamaqembu omhlaba ochwepheshe abathuthukisa, agcina futhi aphoqelela Imithetho Yenkundla yethu. Uma kubikwa okuqukethwe okungenzeka kwephula umthetho, amathimba ethu azosebenza ukuze athathe isinyathelo esifanele sokuthobela umthetho.

Kwenzekani uma imithetho yephulwa?

Sibheka lezi zinqumo njengento ebucayi futhi sicabangela umongo lapho sihlola okungase kube ukwephulwa Kwemithetho Yenkundla yethu. Ukwephula imithetho kungase kuholele ekususweni kokuqukethwe okwephula umthetho ku-Spotify. Ukwephulwa komthetho okuphindayo noma okushaqisayo kungase kuholele ekutheni ama-akhawunti amiswe kanye/noma avalwe. Funda kabanzi mayelana nezinye izinyathelo esingase sizithathe ngokuqondene nokuqukethwe noma ama-akhawunti lapha.

Yini enye engidinga ukuyazi?

Le Mithetho Yenkundla izosiza ekuqinisekiseni ukuthi i-Spotify ihlala iyinkundla evulelekile nephephile kumuntu wonke. Sizoqhubeka nokuhlola nokubuyekeza lolu lwazi njengoba kudingeka, ngakho sicela uphinde uhlole njalo. Kuye ngokuthi yimiphi imikhiqizo noma izici ze-Spotify ozisebenzisayo, ungase ube ngaphansi kwezimfuneko ezengeziwe.

Ngingayibika kanjani inkinga?

Ingabe ikhona inkinga oyithole ngengxenye yokuqukethwe ku-Spotify? Uma ikhona sazise ngokuyibika lapha.