Kuripoti maudhui kwenye Spotify

Muhtasari

Hapa Spotify tunafanya kazi kwa bidii ili kuchochea hali ya kujieleza kwa ubunifu na tunapenda jumuiya yetu ijiwakilishe katika namna salama na halisi, lakini hiyo haimaanishi kila kitu kinaruhusiwa.

Kanuni zetu za Mfumo wa Spotify za muda mrefu hubainisha kinachoruhusiwa na kisichoruhusiwa kwenye Spotify. Tunatoa kipaumbele kwa ukaguzi wa maudhui yanayoathiri watoto, yanayoweza kuleta madhara makubwa nje ya mtandao au ambayo huenda si halali.

Ni aina gani ya hatua huchukuliwa dhidi ya maudhui yasiyo halali au maudhui yanayokiuka Kanuni za Mfumo?

Tunapogundua maudhui yanayokiuka Kanuni zetu za Mfumo au ambayo si halali chini ya sheria ya nchi husika, tunaweza kuchukua hatua mbalimbali. Hatua hizi ni pamoja na kuondoa maudhui, kudhibiti usambazaji, kuweka lebo za ushauri wa maudhui na/au kuondoa uchumaji wa mapato.

Mtu anawezaje kuripoti maudhui kwenye Spotify?

Ikiwa unaamini kuwa huenda maudhui yakakiuka Kanuni zetu za Mfumo, tafadhali yaripoti kupitia fomu yetu salama ya kuripoti. Mmiliki wa maudhui hatajua ni nani aliyeripoti maudhui hayo.

Ili uripoti maudhui ambayo unaamini yanakiuka haki zako za uvumbuzi au vinginevyo yanakiuka sheria, tafadhali wasiliana nasi. Maudhui yanayoripotiwa kupitia fomu hii (isipokuwa yawe yameripotiwa kwa sababu zinazohusiana na mali za uvumbuzi) yatakaguliwa pia ili kuhakikisha hayakiuki Kanuni za Mfumo. Maelezo zaidi kuhusu sera ya Spotify kuhusu ukiukaji wa haki za uvumbuzi yanaweza kupatikana katika Sera yetu ya Hakimiliki.

Matumizi mabaya ya mchakato huu yanaweza kupunguza uwezo wako wa kuwasilisha maombi katika siku zijazo na ukiukaji unaojirudia wa Sheria na Masharti ya Spotify, ikiwa ni pamoja na Kanuni zetu za Mfumo, unaweza kusababisha akaunti yako isimamishwe au ifungwe kabisa.

Ni nani anaweza kuripoti maudhui?

Mtu yeyote aliye na anwani ya barua pepe anaweza kuripoti maudhui kwenye Spotify, hata kama hana akaunti ya Spotify. Tafadhali kumbuka kuwa matumizi mabaya ya mchakato wa kuripoti yanaweza kupunguza uwezo wako wa kuwasilisha maombi katika siku zijazo.

Je, maamuzi ya maudhui yanaweza kukatiwa rufaa?

Chaguo za kukatia rufaa maamuzi ya maudhui hutofautiana kulingana na eneo, na tutaendelea kupanua uwezo wetu.

Ikiwa hukubaliani na uamuzi wa utekelezaji uliochukuliwa dhidi ya maudhui yako au kutokana na ripoti yako, unaweza kuwasilisha rufaa. Ili ufanye hivi, tafadhali fuata maelekezo katika arifa uliyopokea kutoka Spotify.

Je, ninawezaje kuripoti matatizo mengine ya programu?

Ukipata maelezo yasiyo sahihi au hitilafu za utendaji wa programu, unaweza kuziripoti hapa. Ikiwa wewe ni msanii, lebo au msambazaji wako anaweza kusaidia kurekebisha matatizo katika muziki wako.