Accessibility Center

Plan ng Spotify

Tinukoy ng Spotify, sa tulong ng pagsangguni sa Fable at mga taong may disability, ang mga barrier sa ilalim ng bawat isa sa mga heading na ito at in-outline nito ang mga strategy at mechanism na gagamitin nila para alisin at iwasan ang mga ito sa ibaba.

Employment

Bumubuo kami ng Spotify na nagpapakita ng diversity ng mga boses sa platform namin at ng mga komunidad kung saan kami nagtatrabaho at nakikisaya. Nakatuon kami sa pagsusulong ng pagiging patas, pag-aalis ng mga barrier, at paggawa ng kultura kung saan pwedeng lumago at magtagumpay ang bawat bandmate. Mahalaga ang paggawa ng accessible na workplace sa pagbibigay ng kakayahan sa mga empleyado namin at paghikayat sa paglago ng Spotify sa paraang makabubuti sa lahat. Kapag accessible sa lahat ang mga oportunidad, makikinabang tayong lahat.

Nasaan na kami

Malinaw na ipinahayag ang pagtuon namin sa paggawa ng Spotify para sa lahat, pero alam naming may dapat pang gawin para pagandahin ang hiring process namin, accommodations process namin, at pag-unawa namin sa mga empleyado naming may disability. Alam naming may maling paniniwala tungkol sa disability at gusto naming bawasan ang stigma at i-support ang mga people manager namin para mauna silang umaksyon. Ipinagmamalaki namin ang global workplace accommodations philosophy namin at patuloy naming sisiguraduhing mayroon ang lahat ng bandmate ng mga tool na kailangan nila para magawa nang mabuti ang trabaho nila. At panghuli, nakatuon kami sa pagsigurong mas marami ang oportunidad ng mga candidate sa hiring process namin (external at internal) para mag-request ng support.

Action plan

• Lumahok sa Disability Equality Index para i-benchmark ang mga pagsisikap namin.
• Tumukoy ng executive sponsor para sa Disability & Neurodiversity Belonging Group namin.
• Pagandahin ang accessibility ng hiring process namin, pati na ang external recruitment website namin, Life at Spotify, at internal na mobility platform namin.
• Magpatuloy sa pag-develop ng mga resource, program, tool, at support para sa mga disabled at neurodivergent na empleyado at manager.
• Makipag-collaborate sa community experience team namin para siguraduhing accessible ang lahat ng internal na employee engagement event—i-track ang mga request para sa accessibility sa mga event para makatulong sa pagpaplano sa hinaharap.
• I-audit ang mga internal na HR system at application at patuloy na siguraduhin ang accessibility para sa lahat ng empleyado.
• I-review ang accommodations process para tukuyin ang mga bahaging dapat pang pagbutihin.

Built environment

Sa Spotify, mapipili ng mga empleyado na magtrabaho kung saan nila gusto—sa bahay man, sa office, o kung minsan, sa ibang lugar. Kapag pinili nilang magtrabaho sa mga office namin, talagang nagsisikap kaming magbigay ng mga accessible na space para sa lahat. Alam namin kung gaano kahalaga ang accessibility sa workplace—kung hindi maa-adjust ang lighting ng mismong workplace ng isang tao o walang scent-free policy, pwede itong magdulot ng pananakit, hirap sa paghinga, o sensory overload, kung kaya mahirap o imposibleng mag-focus sa mga gawain sa trabaho.

Nasaan na kami

Ang principles ng office design namin, na nagtatakda ng global na office design at layout ng Spotify, ay may commitment sa accessibility. Sinusunod rin namin ang mga market regulation para siguraduhing natutugunan namin ang mga standard ng accessibility ngayon. May minsanan kaming mga ergonomic consult para sa lahat ng empleyado pati na rin mga makatwirang accommodation, gaya ng mga adjustable-height workstation o iba pang ergonomic accessories, kung kinakailangan.

Layunin na naming siguraduhing "accessible" sa maraming paraan ang space namin, at pagdating sa design ng mga space namin, inaalis namin ang kahit anong kasalukuyang barrier, kasama na ang mga nasa walkway at waiting area. Pero, nakaka-experience pa rin kung minsan ang mga tao ng mga barrier kapag pumupunta sila sa mga office ng Spotify, gaya ng mga pinto na walang automatic opening sensor. At kahit na may malilinaw kaming accessibility guidelines ngayon, hindi pa rin naipapatupad ang guidelines na ito sa lahat ng space namin.

Action plan

• Makipag-usap sa mga empleyado tungkol sa iba't ibang space at accommodation na magagamit nila, gaya ng mga Focus Area at Presentation Pod.
• I-update ang accessibility guidelines namin at iangkop ang mga ito para sa lahat ng bagong project.
• I-audit ang guidelines namin para matukoy ang mga pagkukulang at tugunan ang mga ito sa isang update.
• Magbigay ng accessibility training para sa Global Workplace Services team namin.

Information and communication technologies (ICT)

Nakatuon ang section na ito sa mga tao at technology na ginagamit namin para magbigay ng support. Gusto namin na maging kasing intuitive at accessible ng mga product namin ang paghingi ng support mula sa Spotify. Hinihikayat namin ang tao na tukuyin ang kahit anong pangangailangan sa accessibility na hindi pa namin natutugunan sa platform namin, at makipag-ugnayan sa pamamagitan ng feedback process namin. Para sa report na ito, ni-review namin ang lahat ng dati nang feedback, at sinubukan naming ayusin ang mga issue na ipinaalam sa amin.

Nasaan na kami

Para sa mga Customer Service ("CS") Advisor sa Spotify, required ang accessibility training. May partikular kaming channel para sa accessibility feedback at ipinagmamalaki naming nakikipagtulungan kami sa Be My Eyes (BME) para maikonekta ang mga bulag at malabo ang paningin sa team namin para sa tulong. Nakipagtulungan din kami sa internal na Accessibility team ng Spotify para i-audit ang nakasulat naming text para sa clarity, vocabulary, at formatting. Pero, pwede pang gawing mas accessible ang mga software na ginagamit namin para magbigay ng customer support, lalo na kapag hindi ginawa ang software gamit ang design system ng Spotify, na siguradong may mga accessibility feature tulad ng text resizing at angkop na color contrast. Pwede ring mas pagandahin pa ang training namin at isama rito ang lahat ng team sa support ecosystem namin.

Action plan

Sa susunod na tatlong taon, gusto naming humubog ng matibay na kultura ng accessibility sa Customer Service team.

• Bumuo ng team sa team namin na may specialized na kaalaman, skill, at tool para suportahan ang mga taong may disability.
• I-coach ang lahat ng team para makapagbigay ng high level na support sa mga user na may disability.
• Ayusin ang mga dati nang issue at pagandahin ang Customer Service platform, mga self-serve surface, at mga bot experience namin para mapabuti ang accessibility ng mga ito.
• Gumawa ng process para patuloy na i-review at pagandahin ang mga external-facing na customer service tool.
• Ayusin ang mga dati nang issue at pagandahin ang accessibility ng mga internal operator tool namin.
• Gumawa ng process para patuloy na i-review at pagandahin ang mga external facing na internal operator tool.
• Gawin ang performance management framework namin para mas maisama ang mga interaction kaugnay ng accessibility.
• Panatilihin at i-review ang authorship philosophy namin para magpakita ng mga accessible na standard sa pagsusulat (gaya ng tinukoy ng design system ng Spotify) at mag-publish ng content na nakakatugon sa iba't ibang pangangailangan at learning style ng customer.
• Tuloy-tuloy na sumubaybay at humusay base sa feedback ng customer at regular na auditing.

Communication, maliban sa ICT

Kasama rito ang mga internal at external na communication galing sa Spotify, na pinapamunuan ng mga team kasama ang brand, communications, at partnerships team. Nalalaman ng mga empleyado namin ang gusto naming ipaalam sa pamamagitan ng internal na written at live channel, pero baka makita kami ng mga taong hindi galing sa kumpanya sa mga Out Of Home (OOH) marketing space o sa mga social media feed nila.

Nasaan na kami

Nagsisikap kaming gawing accessible ang content sa lahat ng mga communication namin at nakatuon kami sa patuloy na assessment at pagpapaganda ng mga standard. Ipinapakita ng Plan na ito ang pagsisikap na magpursige pa sa mga kagawian namin para makita ang kahihinatnan nito.

Action plan

• Gumamit at mag-standardize ng mga accessible na format at communication sa mga online experience tulad ng newsroom o mga social media channel namin.
• Bumuo ng best practices para sa mga internal at external na image, asset, at presentation.
• Bumuo ng system para internal na makapag-share ng feedback sa mga asset ang mga empleyado.
• I-audit ang mga marketing asset at resource para matukoy ang kahit anong posibleng pagandahin o makakatulong na resource na pwede naming idagdag.
• Makipagtulungan sa mga region para siguraduhing naka-enable ang auto-generated captions at iba pang in-platform na accessibility feature sa lahat ng social media channel.
• Sumangguni sa Fable para i-assess ang mga standard namin ngayon para sa experiential marketing at magplano para sa mga dagdag na hakbang.
• Mag-send ng mga pre-arrival communication sa mga invitee para sa mga in-person experience para maiwasan ang mga posibleng discomfort (hal., "sa event na ito, may performance na may flashing lights").

Procurement ng goods, mga service, at mga facility

Sa Spotify, kasama sa procurement ang software at cloud infrastructure, pati office supplies, mga professional at corporate service, marketing at marami pang iba. Dahil marami ito, mayroon itong four phase process na binubuo ng intake, assessment, negotiation, at finalization. Gusto naming isama ang accessibility sa process namin.

Nasaan na kami

Bilang procurement team, in-assess namin ang status namin ngayon at nalaman naming hindi sinasabi sa Spotify for Vendors website ang paninindigan namin sa accessibility. Bukod pa rito, hindi namin isinasaalang-alang ang accessibility kapag nagso-source at nag-o-onboard ng mga vendor.

Action plan

• Unahing i-update ang Spotify for Vendors website at ilagay ang accessibility statement namin, na susuportahan ang internal at external na socialization ng policy.
• I-assess ang mga key strategic vendor sa mga nauugnay na spend category para masuri ang mga isinasaalang-alang sa accessibility.
• Mag-develop ng plan para isama ang mga tanong sa accessibility sa mga kasalukuyang proseso ng request for proposal (RFP) at onboarding process ng vendor para sa mga in-scope na category.

Design at delivery ng mga program at service

Kasama sa section na ito kung paano namin tine-train ang mga designer, engineer, at lahat ng taong responsable sa paggawa ng mga Spotify product, ang paraan namin sa paggawa ng mga accessible na product, at ang mga kagawian sa design na ginagamit namin para gawing accessible ang mga ito para sa lahat ng uri ng user.

Hinati namin sa apat na section ang mahalagang category na ito:

1. Training at documentation
2. Team
3. Mga audit, research, at analysis
4. Proseso

Pinaghahatian ang category na ito ng mga dedicated na training, accessibility, at design team ng Spotify.

Nasaan na kami

Nagsisikap ang mga training, accessibility, design systems, at leadership team na bumuo ng mga accessible na product, pero mayroon pang pwedeng pagandahin. Kapag hindi na-test ng mga taong may disability ang mga digital product at tool namin, pwedeng mahirap gamitin ang mga ito, kaya pwedeng bumagal ang pagtatrabaho ng mga empleyado o pwedeng lumipat ang mga customer sa ibang service na mas madaling gamitin. At kung walang sapat na training ang mga empleyado, pwede itong magdulot ng mas mabababang retention at promotion rate para sa mga empleyadong may disability o ng hindi magagandang customer service experience para sa mga customer na may disability.

Training at documentation

• Mayroon kaming mga accessibility course at practical session.
• Mayroon kaming mga eLearning module mula sa Fable, kasama ang: Intro sa Digital Accessibility, Accessible na User Experience, Testing Accessibility, Accessible na Web Development, Mga Accessible na Mobile App para sa iOS, at Mga Accessible na Mobile App para sa Android.
• Tina-track namin ang completion rate para sa mga module sa online learning platform namin na Greenhouse.
• Wala kaming dashboard at kumpletong metrics tungkol sa accessibility program.
• May pwede pang pagandahin para sa accessibility ng mga internal na Spotify platform at product na ginagamit ng mga empleyado.
• Marami kaming documentation, mga activity, at mga resource tungkol sa accessibility para sa lahat ng audience, pero palaging may pagkakataon na ayusin at linawin pa ito, at gawing proactive ang internal marketing.

Team

• Binibigyan namin ng reward ang mga team at indibidwal na inuuna ang accessibility.
• Nakikipagtulungan kami sa maraming accessibility vendor, kasama ang, pero hindi limitado sa, Fable.
• Mayroon kaming dedicated na team ng mga Accessibility Engineer, Engineering Manager, at Program Manager.
• Sa mga product team, walang partikular na responsable para sa accessibility.

Mga audit, research, at analysis tungkol sa accessibility

• May proseso para mag-request ng accessibility audit, pati ng mga dati nang audit.
• Makikita ng lahat sa Spotify ang lahat ng user test at research study.
• Limited ang scope ng pre-launch testing namin, at hindi kasama rito ang mga assistive technology user.

Proseso

• Nagbibigay ang design system namin ng mga accessible na color theme, type scale, component, at layout.
• Naka-publish ang guidelines para sa accessible na design at writing sa design system website namin.
• May mga pagkakataong walang expertise ang mga design team para unahin ang pinakamatataas na level ng accessibility, at para balansehin ang magkakalabang consideration sa design.
• Pwedeng maging reactive ang approach namin sa paggawa ng mga accessible na product, na madalas ay dahil sa mga naglalabang priority. Ibig sabihin nito, tinutugunan namin ang mga gap sa accessibility pagkatapos ng launch.

Action plan

Training at documentation

• Hikayatin ang lahat ng empleyado sa Research and Development na tapusin ang accessibility training.
• I-update ang mga course para gawing mas naaangkop ang mga ito sa mga partikular na product area.
• Hikayatin ang mga tao na kumuha ng in-depth at role-specific na training.
• Mag-develop ng do-it-yourself accessibility kit para makapag-train ang mga team nang mag-isa.
• Mag-develop at mag-schedule ng communications plan para sa mga kasalukuyang course para mapalakas ang internal awareness.
• Tingnan ang mga resulta ng program at mangalap ng feedback para matukoy ang mga dapat pang pagandahin. I-adjust ang program kung kinakailangan para sa mga susunod pang iteration.
• Bigyan ang insights team ng mahahalagang metrics mula sa training, kasama ang enrollment at feedback data at pagandahin ang training content at availability mula sa data na ito.

Team

• Gawin ang internal accessibility champions network namin at hikayatin silang impluwensyahan ang negosyo na patuloy na ituring ang accessibility bilang first-class citizen kasama ng iba pang non-functional requirement.
• Palawakin ang internal accessibility champions network namin at patuloy na isulong ang accessibility.
• Gawing mas formal na career development framework sa Spotify ang mature naming internal accessibility champions network, halimbawa, ipinapakitang proactivity sa gawain sa accessibility bilang isang bagong prerequisite sa career framework ng Spotify.

Mga audit, research, at analysis tungkol sa accessibility

• Patuloy na i-assess ang status ng accessibility sa Spotify sa pamamagitan ng mga regular na audit, pati sa mga taong may disability, at i-track ang mga response time para mapaikli ang oras sa pagitan ng pagtuklas sa problema at sa pag-aayos nito.
• Pangalagaan ang accessibility standards sa creative branding ng product.
• Gumamit ng data-driven analysis at storytelling para subaybayan ang gawain sa accessibility at magbigay ng mga cross-org commendation para sa proactive work.
• I-audit ang mga microsite at website ng Spotify.
• Isama sa scope ng audit at accessibility ang mga internal na product.

Proseso

• Para sa product discovery stage:
  • Imapa ang lahat ng pangunahing bahagi ng mga design, product, at software development lifecycle kung saan magiging makabuluhan ang naaangkop na tooling, testing infrastructure, at automation.
  • Bumuo/mag-integrate ng naaangkop na tooling, testing infrastructure, at automation sa mga nauugnay na section ng mga design, product, at software development workflow namin.
• Iteration at maintenance stage:
  • Mag-invest sa naaangkop na tooling, testing infrastructure, at automation para maisaalang-alang namin ang accessibility sa unang bahagi ng product development lifecycle.
  • Gumawa ng mga workflow para hiwalay na makapag-contribute ang mga empleyado ng Spotify sa mga revision sa mga nauugnay na accessibility content.
• Tuloy-tuloy na support para sa pag-aayos ng mga issue kapag nagkaroon nito.
• Pangalagaan ang accessibility standards sa creative branding ng product.