Gabay para sa mga magulang o caregiver

Nagbibigay ang mga service tulad ng Spotify ng unique na pagkakataon para mag-explore nang magkasama, maghanap ng educational content at makinig ng music ang mga magulang at anak. Sigurado akong gumamit na ang marami sa inyo ng mga lullaby playlist para patulugin ang mga anak n'yo, at maraming iba pa ang nag-enjoy na iparinig sa kanila ang partikular na kantang nagustuhan n'yo no'ng ka-edad n'yo sila. Sa mga nakalipas na taon, dumami ang online spaces na magagamit ng mga bata, at pwedeng maging mahirap alamin kung paano pinakamainam na limitahan ang content at mga feature na naa-access nila online habang naglalaro sila.

Ako si Alex Holmes, at parte ako ng global safety advisory board ng ilan sa malalaking technology company, kasama na ang Spotify, at pinapayuhan ko sila sa pagharap nila sa mga mapanganib sa kaligtasan at online. Ako rin ang Deputy CEO ng non-profit na The Diana Award, isang legacy ng paniniwala ni Princess Diana na may kakayahan ang kabataan na baguhin ang mundo. Itinatag ko ang peer-to-peer support program Anti-Bullying Ambassadors noong 16 na taong gulang ako matapos akong ma-bully. Nagtatrabaho rin ako sa charity ng BBC, ang BBC Children in Need. Gaya ng naiisip mo, lubos akong interesadong harapin ang kahit anong barrier sa kaligayahan at kapakanan ng mga bata.

Sa online world, palagi kong sina-suggest na dapat makipagtulungan ang mga magulang sa mga anak nila para magpasya kung anong uri ng content at mga feature ang naaangkop sa kanila. Pag-usapan kung anong mga uri ng content ang kumportable kang pakinggan nila, at tulungan silang maunawaan ang pwede nilang gawin kung nainis o nabahala sila sa isang content. Para matulungang magpasya ang mga magulang at pamilya, gumawa ang Spotify ng gabay sa ibaba na nagsasaad ng mga pinakabagong tool at feature na idinisenyo nito para sa mga bata, kasama ang mga parental control na magagamit mo para protektahan sila sa explicit na content at mga paraan para makapag-report ka ng kahit anong hindi gustong content o atensyon.

Mahirap tingnan ang lahat ng iba't ibang service na pwedeng gamitin ng anak mo, at hinihikayat ko ang lahat ng magulang o tagapag-alaga na makipagtulungan sa kani-kanilang anak para maunawaan ang Spotify, ang mga uri ng music na pinapakinggan n'ya, at ang mga paraan ng pakikihalubilo n'ya sa iba. Makakatulong din kung tutulungan s'yang isipin ang pakikitungo n'ya sa ibang mga bata at isipin na dapat s'yang maging maingat sa mga pamagat ng playlist, profile o photo/upload sa playlist. Hikayatin s'yang i-share sa'yo ang playlist n'ya, dahil pagkakataon 'to para magkasamang mag-curate, at magkaroon ng masinsinang usapan.

Ang music at audio ay mahahalagang parte ng kung paano ipinapahayag ng mga bata ang sarili nila at kung paano nila nauunawaan ang mundo. Kapag may angkop na support, pwede kang gumamit ng mga tool tulad ng Spotify para tulungan s'yang maging mas confident, resilient at curious, habang binabalanse ang privacy at kalayaan n'ya at ang sarili mong parenting style. Sa huli, ang pakikipag-usap sa anak mo tungkol sa mga usaping 'to ang pinakamagandang paraan para ipakita sa kanya na nand'yan ka para suportahan s'ya habang mas nagiging pamilyar s'ya sa digital world.

Alex Holmes, OBE

Child safety expert

www.antibullyingpro.com

Ang commitment namin sa mga batang listener

Ang Spotify ay digital music, podcast at audiobook service na nagbibigay ng access sa milyon-milyong kanta at iba pang content na galing sa mga creator na mula sa iba't ibang parte ng mundo. Alam namin na mahirap para sa mga magulang na maging pamilyar sa digital world at madalas na personal ang mga desisyon tungkol sa content at mga experience na angkop sa pamilya mo. Para makatulong na bumuo ng experience para sa mga batang listener na engaging at idinisenyo nang sila ang iniisip, gumawa kami ng mahahalagang hakbang. Kasama rito ang mga sumusunod:

• Pagtatakda ng zero-tolerance policy laban sa content na nananamantala sa mga bata at ng Platform Rules na nagbabawal sa ilegal at/o mapang-abusong gawi na nakakapanakit sa mga bata
• Paggamit ng mga machine learning signal at pagtatakda ng mga mechanism sa pag-report ng user para ma-detect ang mga posibleng paglabag sa policy
• Pagkakaroon ng staffing teams para i-review at aksyunan kaagad ang lumalabag na content maghapon at magdamag
• Pagkonekta sa mga posibleng vulnerable na user sa mga mental health resource kapag naghanap sila ng content na nauugnay sa pagpapakamatay, pananakit sa sarili, at disordered eating
• Pagbibigay ng mga parental control para madisenyo ng mga magulang at guardian ang pinakaangkop na experience para sa pamilya nila
• Proactive na paghingi ng feedback mula sa mga expert sa Spotify Safety Advisory Council namin, gaya ng Thorn at ng Diana Award, at mga partner sa Jed Foundation, Tech Coalition at WeProtect Alliance para siguraduhing updated ang mga team namin sa mga bagong banta at mga mitigation technique.

Kasabay ng pagbabago ng sitwasyon ng kaligtasan ng bata, papahusayin pa rin namin ang mga policy, tool at kakayahan namin. Sa ngayon, magbasa pa tungkol sa mga hakbang na pwede mong gawin bilang magulang o guardian para makatulong na gumawa ng mas magandang experience para sa mga batang listener.

Ang experience ng anak mo sa Spotify

Paggawa ng account

Dapat pasok ang lahat ng user sa minimum age requirement para sa bansang nauugnay sa account nila. Kung wala pa ang anak mo sa minimum age para gumamit ng Spotify o hindi siya pasok sa mga requirement ng Mga Tuntunin ng Paggamit namin, dapat isara ang account niya o gawing mina-manage na account.

Kapag gumagawa ng account, mahalagang sabihin ang tamang edad ng anak mo. Tumutulong 'tong siguraduhin ang pagsunod sa mga lokal na batas at tumutulong sa aming ibigay ang akmang product experience.

Mga mina-manage na account

Nag-aalok ang mga mina-manage na account ng music experience na idinisenyo para mag-explore nang mag-isa ang mga bata, habang binibigyan ang mga magulang at guardian ng mga tool para gabayan at buuin ang pinapakinggan nila. Sa pamamagitan ng account na ito para sa mga listener na wala pang 13 (o lokal na katumbas), magagawa nilang tumuklas ng mga bagong tunog at magsimulang bumuo ng mga sarili nilang taste sa pamamagitan ng malawak naming catalog ng music. Nalalapat ang mga sumusunod na feature sa lahat ng mina-manage na account bilang default:

• Music lang: Hindi available sa mga mina-manage na account ang mga audiobook at podcast. Bukod pa rito, posibleng hindi available ang ilang kanta, halimbawa, mga kantang may sexually explicit na lyrics, na nagpapakita ng paraang binuo kasama ng Spotify Safety Advisory Council namin.
• Limited na interactivity: Pribado at hindi searchable o discoverable ang mga profile ng mina-manage na account. Hindi rin sila makakapaghanap o makakatuklas ng iba pang Spotify user o makakasali sa Jam at Blend.
• Mga age-restricted na feature: Hindi maa-access ng mga mina-manage na account ang mga age-restricted na feature tulad ng Mga Message o mga music video na tinag na 18+ ng mga rights-holder.
• Automatic na proteksyon sa paghahanap: Pinipigilan ang mga paghahanap at suggestion sa paghahanap para sa mga terminong karaniwang nauugnay sa content na hindi naaangkop sa edad.
• Advertising: May music na walang ad ang mga mina-manage na account sa Premium Family plan namin. Kahit na may advertising sa mga mina-manage na account sa libreng service namin, limited ang experience sa mga informational ad tungkol sa mga feature ng Spotify at walang direktang link sa pagbili.

Bukod pa rito, magagamit ng mga magulang/guardian ang in-app na controls namin para gabayan kung ano ang maa-access ng mga batang listener. Magkakaiba ang bawat bata at natatangi ang journey ng bawat pamilya, kaya nakatuon kami sa pagbabago ng mga tool namin para matulungan ang mga magulang at guardian na mag-share ng music sa paraang bagay sa kanila. Kasama ngayon sa mga tool na ito ang:

• Pagkontrol sa playback ng mga partikular na artist at kanta: pwedeng i-disable ng mga magulang/guardian ang mga partikular na artist o track.
• Ang filter ng Explicit na Content: pwedeng i-off ng mga magulang/guardian ang mga kantang tinag na explicit ng mga creator at rights-holder. Automatic na ino-off ang explicit na content sa mga mina-manage na account, at may option ang mga magulang/guardian na baguhin ito sa pamamagitan ng Settings nila.
• Controls para sa mga Video at Canvas: makokontrol ng mga magulang/guardian ang access ng mga batang listener sa Canvas (maikli at naka-loop na visuals na kasama ng mga kanta) at video sa lahat ng surface ng Spotify. Automatic na ino-off ang mga Video at Canvas sa mga mina-manage na account, at may option ang mga magulang/guardian na baguhin ito sa pamamagitan ng Settings nila.

Dagdag na Impormasyon

Spotify Kids

Isang stand-alone app na nagbibigay ng curated experience at may content kung saan mas makaka-relate ang maliliit pang bata. Para magbasa pa, mag-click dito.

Pag-report ng lumalabag na content

Dapat sumunod ang lahat ng content sa Spotify sa mga lokal na batas at sa Platform Rules namin. Ginawa ang Rules na 'to ng in-house team namin ng mga safety policy expert nang may feedback mula sa mga pinagkakatiwalaang global safety expert, kasama ang Spotify Safety Advisory Council namin. May mga team din kami sa iba't ibang parte ng mundo na walang patid na nagtatrabaho para tumulong na siguraduhing mare-review kaagad ang content at angkop na maaaksyunan.

Nagbabago ang mga policy at paraan namin ng enforcement bilang sagot sa mga nagbabagong trend sa abuso, regulatory landscape sa mundo, mga bagong uri ng content at feedback galing sa mga pinagkakatiwalaan naming safety partner.

Kung may makita kang content na sa tingin mo ay lumalabag sa Platform Rules namin, i-report 'to sa pamamagitan ng form na 'to. Para magbasa pa tungkol sa mga dagdag na option sa pag-report, puntahan ang Safety and Privacy Center namin.

Privacy sa Spotify

Naninindigan kaming protektahan ang personal na data ng mga user namin, pati ang personal na data ng mga bata, at may mga mechanism kaming ipinapatupad para tumulong na siguraduhing ligtas ang impormasyon ng mga user. Pwede naming gamitin ang personal data para magbigay ng mga rekomendasyon sa language mo, mag-suggest ng kantang sa tingin namin ay magugustuhan mo o tulungan kang tuklasin ang bago mong paboritong artist.

Para magbasa pa tungkol sa kung paano namin ginagamit ang data mo, mga karapatan at option mo sa privacy, at kung paano i-adjust ang settings mo, tingnan ang Safety and Privacy Center namin at basahin ang Privacy Policy namin. Kung magulang o guardian ka ng isang batang listener sa mina-manage na account, tingnan din ang Privacy Notice para sa mga Magulang at Guardian ng mga Mina-manage na Account namin at Privacy Policy ng Batang Listener namin.