Informe de transparencia de Spotify no marco do Regulamento de Servizos Dixitais

O Regulamento de Servizos Dixitais (RSD) da Unión Europea ten como obxectivo combater o contido ilícito en liña.

O Informe de transparencia de Spotify conforme ao Regulamento de Servizos Dixitais ofrece información xeral sobre o noso enfoque, incluídas políticas, prácticas e accións relacionadas co contido dos usuarios nos servizos intermediarios de Spotify. Este informe é esencial para promover a transparencia e a rendición de contas.

Nas Normas da plataforma de Spotify descríbese o que está permitido e o que non nos nosos servizos. Traballamos constantemente para facer fronte ao contido ilícito e nocivo que soben os usuarios, ao mesmo tempo que protexemos os datos e dereitos fundamentais dos usuarios.

O Informe de transparencia de Spotify de 2024 conforme ao Regulamento de Servizos Dixitais pode consultarse aquí.

Informe de transparencia de Spotify sobre contido terrorista en liña

O Regulamento sobre a loita contra a difusión de contidos terroristas en liña (TCO, polas súas siglas en inglés) da Unión Europea (UE) ten como obxectivo protexer a seguridade e integridade dos cidadáns da UE, para o que lles esixe aos servizos dixitais que retiren o contido terrorista sen demora e de xeito eficaz, sen por iso menoscabar dereitos fundamentais como a liberdade de expresión.

Spotify esfórzase por combater o contido terrorista nocivo se o detecta na plataforma. Colaboramos con autoridades e socios de confianza para facer fronte a este problema que afecta a toda a industria, e melloramos constantemente os nosos procesos internos para loitar contra as ameazas en evolución.

De conformidade co TCO, no informe de transparencia de Spotify sobre contido terrorista en liña descríbese o noso traballo para previr e erradicar o contido deste tipo na nosa plataforma. O documento contén información xeral sobre o noso enfoque ante aspectos como o xeito en que detectamos contido terrorista e tomamos medidas contra el e como damos resposta ás ordes de retirada que recibimos das autoridades nacionais competentes da UE.

O Informe de transparencia de Spotify de 2024 sobre contido terrorista en liña pode consultarse aquí.