تقدر تنزِّل 30 أغنية على موبايل واحد، وبعدها تسمع قايمة الأغاني اللي نزِّلتها من غير اتصال بشبكة الواي فاي أو خدمة البيانات.

لو مضفتش رصيد لباقة اشتراك Mini قبل نهاية مدة صلاحيتها، هتتحوِّل لباقة الاشتراك المجانية. مكتبتك الموسيقية وقوايم الأغاني بتاعتك هتكون موجودة عندك، بس الأغاني اللي نزِّلتها هتتشال. ولو رجعت تاني لباقة اشتراك Mini بعد تحويلك لباقة الاشتراك المجانية، تقدر تنزِّل آخر قايمة أغاني نزِّلتها مرة تانية.

بمجرد ما تنزِّل 30 أغنية، لازم تشيل شوية من الأغاني اللي موجودة عندك لو عاوز تنزِّل أغاني أكتر. لو عاوز تنزِّل أكتر من 30 أغنية، جرَّب واحدة من باقات اشتراك Premium التانية، ونزِّل لحد 10,000 أغنية على كل جهاز، مع إمكانية تنزيل الأغاني على 5 أجهزة لكل حساب.

لا، متقدرش تنزِّل غير 30 أغنية بس على جهازك في أي وقت. لو عاوز تنزِّل أغاني أكتر، شوف باقة اشتراك "Premium للأفراد"، واللي بتوفرلك ميزة تنزيل 10,000 أغنية على كل جهاز، مع إمكانية تنزيل الأغاني على 5 أجهزة لكل حساب.

سماع الأغاني لمدة ساعة بيستخدم حوالي 10 ميجابايت من بيانات الموبايل، حسب الإعدادات الافتراضية. تنزيل أغنية واحدة مدتها 3 دقايق بيستخدم حوالي 0.5 ميجابايت من مساحة التخزين على جهازك. علشان توفر بيانات الموبايل، اسمع الأغاني وإنت متصل بالواي فاي، واتأكِّد إنك محدد إعدادات السماع عندك على: الوضع المنخفض للسماع، والوضع العادي للتنزيل.

تقدر تزوِّد مدة اشتراك حسابك في Premium في أي وقت. لو كنت لسه مشترك في Premium وقت إضافة الرصيد، حساب أيام اشتراكك الجديد بيبدأ بعد نهاية الأيام اللي باقية في اشتراكك الحالي. تقدر تشحن حسابك لمدة 3 شهور من اشتراك Premium لو اشتريت اشتراك Mini.
خُد بالك إنه في أي وقت هترجع لباقة الاشتراك المجانية، الملفات اللي نزِّلتها هتتشال، وهتحتاج تنزِّلها مرة تانية لما ترجع تاني لباقة اشتراك Premium.

تقدر توصل لحسابك على Spotify من أجهزة كتيرة، بس اشتراك Premium Mini مبيشتغلش غير على الموبايل أو التابلت الصغير (أقل من 7 إنش). هتقدر توصل للتجربة المجانية على أي جهاز غير الموبايل طول ما إنت على باقة اشتراك Premium Mini سارية.