Məxfilik

Şəxsi məlumatlarınızın toplanması

Haqqınızda hansı şəxsi məlumatları topladığımızı, necə topladığımızı və bunun nəyə görə lazım olduğunu başa düşməyiniz bizim üçün çox vacibdir.

Şəxsi məlumatlarınızı aşağıdakı yollarla toplayırıq:

1. Spotify Xidmətində qeydiyyatdan keçdiyiniz və ya hesabınızı yenilədiyiniz zaman – Spotify Xidmətindən istifadə edə bilməyiniz üçün Spotify hesabınızı yaratmaq məqsədilə müəyyən şəxsi məlumatları toplayırıq. Buraya Məxfilik Siyasətimizin 3-cü bölməsində ətraflı təsvir olunduğu kimi profil adınız və e-poçt ünvanınız daxildir.
2. Spotify Xidmətindən istifadəniz vasitəsilə – Spotify Xidmətindən istifadə etdiyiniz və ya ona daxil olduğunuz zaman biz əməliyyatlarınız haqqında şəxsi məlumatları toplayır və emal edirik. Buraya oxutduğunuz mahnılar və yaratdığınız pleylistlər daxildir. Bu, Məxfilik Siyasətimizin 3-cü bölməsində yer alan İstifadə Məlumatları kateqoriyasıdır.
3. Bizə təqdim etməyi seçdiyiniz şəxsi məlumatlar – sizə daha çox xüsusiyyət və ya funksionallıq təqdim etməyimiz üçün vaxtaşırı bizə əlavə şəxsi məlumatlar da təqdim edə və ya şəxsi məlumatları toplamağımıza icazə verə bilərsiniz. Bunlara Məxfilik Siyasətimizin 3-cü bölməsində yer alan Səs Məlumatı, Ödəniş və Satınalma Məlumatları və Sorğu və Tədqiqat Məlumatları kateqoriyaları daxil ola bilər.
4. Üçüncü tərəf mənbələrindən aldığımız şəxsi məlumatlar - başqa xidmətdən istifadə edərək Spotify-da qeydiyyatdan keçsəniz və ya Spotify hesabınızı üçüncü tərəf tətbiq, xidmət və ya cihazına qoşsanız, məlumatlarınızı həmin üçüncü tərəflərdən əldə edəcəyik. Biz həmçinin məlumatlarınızı texniki xidmət təminatçılarından, ödəniş tərəfdaşlarından, habelə reklam və marketinq tərəfdaşlarından ala bilərik. Ətraflı məlumat üçün Məxfilik Siyasətinin 3-cü bölməsinə baxın.