حاضرين بالحلول.

اعرف معلومات أكثر على موقع الدعم حقنا.

• شلون تصير الفترة التجريبية لاشتراك Spotify Premium؟

  إذا ما كنت حصِّلت اشتراك Premium أبد، كود تحق لِك الفترة التجريبية مجانًا (أو بسعر مخفض).
  
  لتحصِّل الفترة التجريبية، رح تحتاج تدخل طريقة دفع صالحة علشان تسجِّل الاشتراك. حنّا رح نستخدمها لنتأكد من بلدك أو منطقتك ولتحصيل المدفوعات إذا تبغى تبتل في اشتراك Premium بعد انتهاء العرض.
  
  رح نرسل لك تذكير قبل 7 أيام من موعد انتهاء الفترة التجريبية. تنطبق الشروط والقيود الخاصة بكل بلد.

• شلون ألغي باقة اشتراك Premium حقتي؟

  تقدر تلغي باقة اشتراكك في Premium بكل سهولة وفي أي وقت من صفحة حسابك.
  
  رح تظل اشتراكات Premium المدفوعة شغالة، حتى بعد إلغائها لين تاريخ فاتورتك الجاية، بعدها رح يتحول حسابك لإصدارنا المجاني.
  
  إذا لغيت اشتراكك في الفترة التجريبية المجانية، رح تضيّع فورًا الفّلة بميزات اشتراك Premium ورح يتحول حسابك لإصدارنا المجاني. ما في إمكانية لاستعادة الفترات التجريبية المجانية.
  
  وأنت على إصدارنا المجاني رح تظل محتفظ بقوائم الأغاني والمحتوى الموسيقي المحفوظ، وتقدر تسمع الموسيقى بس مع إعلانات.

• كيف تصير باقة اشتراك "Premium للثنائي"؟

  اشتراك "Premium للثنائي" هو باقة اشتراك لكل فردين يعيشون سوا. إذا تبي توفر رح تلاقي سعر باقة "Premium للثنائي" أرخص بعد من امتلاك حسابين من اشتراك "Premium للأفراد" بسعر كامل. رح نطلب العنوان حقكم لأجل نتأكد أنكم تعيشون بنفس العنوان. تقدر ترسل دعوة لأي عضو لينضم لباقة الاشتراك بعد الشراء على طول. كل عضو رح يصير له حساب Premium منفصل لحاله ويقدر يسمع في نفس الوقت على الحساب الخاص حقه. رح تصير كل الموسيقى وقوائم الأغاني المحفوظة حقه هو. صاحب الحساب الثاني ما يقدر يعرف وش بتسمع عاد.
  
  طالع معلومات أكثر عن سالفة اشتراك "Premium للثنائي".

• كيف تصير باقة اشتراك "Premium للعائلة"؟

  "Premium للعائلة" باقة تضم لين ٦ أفراد من العائلة يعيشون سوا. إذا تبي تقارن رح تلاقي السعر ذا أقل من السعر الكامل لحساب اشتراك "Premium للأفراد"، يعني أوفر بعد. رح نطلب عنوانكم علشان نتأكد أنكم تعيشون بالعنوان نفسه. تقدر ترسل دعوة للأعضاء لينضمون لباقة الاشتراك بعد الشراء على طول. كل عضو رح يصير له حساب Premium منفصل لحاله ويقدر كل عضو يسمع لحاله في الوقت نفسه، كل واحد على حسابه. ورح يقدر يستأنس وحده بالموسيقى وقوائم الأغاني المحفوظة حقه. ما رح يشوف أصحاب الحساب الثانيين وش بتسمع عاد.
  
  اقرأ معلومات أكثر عن باقة "Premium للعائلة".

• شلون تصير باقة اشتراك "Premium للطلاب"؟

  إذا أنت طالب مسجَّل في كلية أو جامعة معتمدة، وعمرك فوق 18 سنة، معناها يا هلا بِك. تقدر تحصِّل اشتراك "Premium للطلاب" لين 4 سنوات.
  
  طالع معلومات أكثر عن سالفة اشتراك "Premium للطلاب".

• ترى وش سعر اشتراك Spotify Premium في المملكة العربية السعودية؟

  تختلف أسعار اشتراك Spotify Premium في المملكة العربية السعودية حسب باقة Premium اللي تفضلها: سعر باقة اشتراك "Spotify "Premium للأفراد"" بيكون ‏٢٣٫٩٩ ر.س.‏ لمدة في الشهر، وسعر باقة اشتراك ""اشتراك Premium للثنائي"" بيكون ‏٣٢٫٩٩ ر.س.‏ لمدة في الشهر، وسعر باقة اشتراك ""اشتراك Premium للعائلة"" بيكون ‏٣٩٫٩٩ ر.س.‏ لمدة في الشهر، وسعر باقة اشتراك ""اشتراك Premium للطلاب"" بيكون ‏١٢٫٩٩ ر.س.‏ لمدة في الشهر. إذا ما كنت حصِّلت اشتراك Premium أبد، كود تحق لك الفترة التجريبية مجانًا (أو بسعر مخفض). تنطبق القيود والشروط الخاصة بكل بلد.