SKILMÁLAR FYRIR GREIDDAR ÁSKRIFTIR AÐ SPOTIFY:

Halló og velkomin(n) í skilmála fyrir greiddar áskriftir að Spotify („skilmálar fyrir greiddar áskriftir" eða „skilmálar"). Þessir skilmálar fyrir greiddar áskriftir eru mikilvægir vegna þess að þeir:

  • lýsa þeim tegundum greiddra áskrifta sem eru í boði; og
  • útskýra hvernig greiddar áskriftir virka og hvaða skilyrði gilda um gjaldgengi þitt til að nota þær og notkun þína á þeim.

VINSAMLEGA LESTU ÞESSA SKILMÁLA VANDLEGA OG TIL FULLS. ÞEIR INNIHALDA TILTEKIN SKILYRÐI OG TAKMARKANIR Á TILTÆKILEIKA OG NOTKUN Á GREIDDUM ÁSKRIFTUM, TENGDUM VIÐBÓTAREIGINLEIKUM, GJALDGENGI TIL AÐ FÁ PRUFUÁSKRIFT OG UPPLÝSINGAR UM ÞAÐ SEM GERIST ÞEGAR GREIDDRI ÁSKRIFT ÞINNI, PRUFUÁSKRIFT EÐA VIÐBÓTAREIGINLEIKA LÝKUR.

SUMAR GREIDDAR ÁSKRIFTIR HALDA VARANLEGA ÁFRAM OG REGLULEGT ÁSKRIFTARGJALD VERÐUR ÁFRAM SKULDFÆRT Á ÞIG EINS OG AUGLÝST VAR OG ÁSAMT BREYTINGUM SEM ERU GERÐAR AF OG TIL, ÞAR TIL ÞÚ SEGIR UPP REIKNINGNUM ÞÍNUM.

  1. Kynning
  2. Greiddar áskriftir
  3. Greiðsla og uppsögn
  4. Ókeypis prufuáskriftir og prufuáskriftir með afslætti
  5. Úthlutaður hlustunartími á efni og viðbótarkaup
  6. Viðbótareiginleikar

Við vonum að þú sitjir þægilega og hlustir á frábæra tónlist.

Við skulum byrja...

1. Inngangur.

Greiddar áskriftir, eins og þær eru skilgreindar í notkunarskilmálum Spotify („notkunarskilmálar"), eru í boði hjá Spotify með fyrirvara um notkunarskilmálana, sem eru hér með felldir inn með tilvísun, þar á meðal gerðardómssamningurinn.

Með því að kaupa greidda áskrift viðurkennir þú og samþykkir þessa skilmála fyrir greiddar áskriftir, þar á meðal notkunarskilmálana og notandareglurnar. Hugtök sem skrifuð eru með stórum staf en ekki skilgreind hér skulu hafa sömu merkingu og þau hafa í notkunarskilmálunum. Ef þú kaupir greidda áskrift beint í gegnum Spotify munum við nota greiðsluupplýsingar þínar og allar aðrar upplýsingar í samræmi við persónuverndarstefnu okkar. Ef þú kaupir greidda áskrift eða byrjar prufuáskrift (eins og skilgreint er hér að neðan) í gegnum þriðja aðila, muntu eiga viðskipti beint við þann þriðja aðila og kaup þín og/eða prufuáskrift munu einnig lúta skilmálum þess þriðja aðila. Ef þú kaupir greidda áskrift með gjafakorti skaltu lesa skilmálana fyrir gjafakort.

Þessa skilmála fyrir greiddar áskriftir notkunarskilmálana og persónuverndarstefnuna skal lesa vandlega, ásamt öðrum skilmálum sem vísað er til í þessu skjali. Að því marki sem þessir skilmálar stangast á við notkunarskilmálana eða persónuverndarstefnuna skulu þessir skilmálar hafa forgang að því marki sem slíkt misræmi varir.

2. Greiddar áskriftir

.Þú getur fundið lýsingar á hverri greiddri áskrift og eiginleikum þeirra á website, og við munum útskýra hvaða valkostir eru í boði fyrir þig þegar þú stofnar Spotify reikning. Með fyrirvara um þessa skilmála fyrir greiddar áskriftir geta notendur sem kaupa greidda áskrift fengið aðgang að þeirri greiddu áskrift til eigin persónulegra nota (og fyrir aðra meðlimi á heimili þeirra, þegar við á) frá því augnabliki sem þeir senda greiðsluupplýsingar sínar til Spotify, eða viðeigandi þriðja aðila, og ljúka greiðsluferlinu.

Greiddar áskriftir fela meðal annars í sér áskriftir undir vörumerkinu Spotify Premium („Premium"), svo sem Spotify Premium Individual („Premium Individual"), Spotify Premium Student („Premium Student"), Spotify Premium Family („Premium Family"), Spotify Premium Duo („Premium Duo") og önnur Premium tilboð sem kunna að vera í boði af og til (hvert um sig „Premium-áskriftarleið").

Af og til gætum við einnig boðið upp á sérstakar kynningaráskriftir, efni eða aðild, þar á meðal tilboð á vörum eða þjónustu utanaðkomandi aðila í tengslum við eða í gegnum þjónustu Spotify. Við berum enga ábyrgð á vörum eða þjónustu sem utanaðkomandi aðilar veita.

Við áskiljum okkur rétt til að breyta þeim eiginleikum og efni sem við bjóðum upp á sem hluta af greiddum áskriftum okkar af og til og af hvaða ástæðu sem er.

Okkur er heimilt að afturkalla eða stöðva greidda áskrift, að hluta eða öllu leyti, hvenær sem er og af hvaða ástæðu sem er. Eftir það er Spotify ekki skylt að viðhalda eða leyfa frekari aðgang að slíkri greiddri áskrift/áskriftum og áskrifendur að þeirri greiddu áskrift verða ekki lengur rukkaðir.

Sumar greiddar áskriftir kunna að hafa tilteknar kröfur um gjaldgengi sem þú verður að uppfylla til að vera áskrifandi. Greiddar áskriftir eru hugsanlega ekki í boði fyrir alla notendur, þar á meðal til dæmis fyrrverandi áskrifendur sem vilja gerast áskrifendur aftur eftir að hafa sagt upp áskrift sinni eða eftir að Spotify hættir að bjóða hana.

2.1. Greiddar áskriftir fyrir einn notanda

„Greiddar áskriftir fyrir einn notanda", svo sem Premium Individual, veita greiðandi reikningshafa rétt til aðgangs að slíkri greiddri áskrift til eigin persónulegra nota

2.2. Greiddar áskriftir fyrir heimil

„Greiddar áskriftir fyrir heimili", svo sem Premium Duo og Premium Family, veita greiðandi reikningshafa greiddrar áskriftar („aðalreikningshafi" eða stundum nefndur „umsjónarmaður áskriftar"), ásamt tilteknum fjölda undirreikningshafa (hver um sig „undirreikningshafi" eða stundum nefndur „meðlimur áskriftar") aðgang að slíkri greiddri áskrift, til eigin persónulegra nota og persónulegra nota hvers undirreikningshafa. Okkur er heimilt að ákveða að veita aðalreikningshafa eiginleika sem eru ekki í boði fyrir undirreikningshafa.

Sem hluti af fjölskylduáskrift getur Spotify boðið upp á umsjónarreikninga og/eða Kids appreikninga. Með því að stofna Kids undirreikninga eða umsjónarreikninga staðfestir aðalreikningshafinn að hann sé lögráðamaður barnsins sem notar slíkan reikning. Lestu persónuverndarstefnu Spotify Kids eða persónuverndarstefnu umsjónarreikninga (eins og við á), sem gilda um þessa reikninga. Þessir reikningsvalkostir eru aðeins í boði sem hluti af fjölskylduáskrift og teljast sem einn af leyfilegum undirreikningshöfum.

Ef aðalreikningshafinn segir upp greiddri áskrift fyrir heimili eða reikningnum er lokað eða honum sagt upp á annan hátt, verða aðalreikningshafinn og undirreikningshafar sjálfkrafa færðir niður í Spotify Free áskrift í lok gildandi greiðslutímabils (eða eins og leyft er í samræmi við grein 2.2.1(C) og öllum Kids og/eða umsjónarreikningum verður lokað eða þeim eytt.

2.2.1 Viðbótarskilmálar fyrir greiddar áskriftir fyrir heimili

A. Til að eiga rétt á greiddri áskrift fyrir heimili verða aðalreikningshafinn og allir undirreikningshafar að vera meðlimir fjölskyldu með sama lögheimili. Meðlimir greiddrar áskriftar fyrir heimili geta yfirgefið núverandi áskrift sína og gengið í aðra greidda áskrift fyrir heimili að hámarki einu sinni á hverju tólf mánaða tímabili.

B. Við virkjun greiddrar áskriftar fyrir heimili (að undanskildum Kids og/eða umsjónarreikningum) verður þú beðin(n) um að staðfesta heimilisfang þitt.

C. Spotify áskilur sér rétt til að segja upp eða loka fyrir aðgang að greiddri áskrift fyrir heimili tafarlaust og hvenær sem er ef þú uppfyllir ekki kröfurnar um gjaldgengi hér og eins og að öðru leyti er kveðið á um í notkunarskilmálunum.

D. Ekki er hægt að nota Spotify gjafakort og fyrirframgreidd kort í lokuðu kerfi (þ.e. ekki kredit- eða bankakort) sem gildan greiðslumáta fyrir greiddar áskriftir fyrir heimili.

E. Enginn annar afsláttur gildir, nema annað sé auglýst.

F. Við gætum af og til beðið um endurstaðfestingu á heimilisfangi þínu til að staðfesta að þú uppfyllir enn kröfurnar um gjaldgengi.

G. Við notum heimilisfangaleit Google-korta til að hjálpa þér að finna og stilla heimilisfangið þitt. Heimilisfangið sem þú slærð inn við virkjun eða endurstaðfestingu mun falla undir viðbótarþjónustuskilmála Google-korta og persónuverndarstefnu Google.

H. Athugaðu: Ef þú ert með greidda áskrift fyrir einn notanda og gerist þátttakandi í greiddri áskrift fyrir heimili sem undirreikningshafi, viðurkennir þú og samþykkir að engar endurgreiðslur eru í boði fyrir að skipta úr þáverandi greiddri áskrift þinni fyrir lok þáverandi áskriftartímabils. Við inngöngu skiptir þú strax yfir í valda greidda áskrift fyrir heimili og aðgangur þinn helst óslitinn, en allur ónotaður tími sem þú hefur þegar greitt fyrir, þar með talið allir eftirstandandi ókeypis eða afsláttarprófunardagar, samkvæmt þáverandi greiddri áskrift þinni, fellur niður.

2.3 Greiddar áskriftir fyrir nemendur

„Greiddar áskriftir fyrir nemendur", svo sem Premium Student, veita greiðandi reikningshafa aðgang að slíkri greiddri áskrift til eigin persónulegra nota.

2.3.1 Viðbótarskilmálar fyrir greiddar áskriftir fyrir námsmenn

A. Notkun greiddra áskrifta fyrir nemendur er aðeins í boði til nemenda hjá gjaldgengum, viðurkenndum menntastofnunum á háskólastigi sem uppfylla viðbótarskilyrðin sem lýst er hér að neðan („gjaldgengur nemandi/nemendur").

B. Til að virkja greidda áskrift fyrir nemendur verður þú að leggja fram tilteknar upplýsingar sem nægja okkur til að staðfesta að þú sért gjaldgengur nemandi. Þetta felur í sér nafn þitt, gildan skóla, netfang, fæðingardag og/eða önnur skjöl („hæfisupplýsingar"), auk greiðsluupplýsinga þinna.

C. Við munum nota þjónustu utanaðkomandi aðila til að aðstoða við að staðfesta hæfisupplýsingar þínar („staðfestingaraðili nemandastöðu") Sem stendur er SheerID, Inc. („SheerID") staðfestingaraðili nemendastöðu. Staðfestingaraðili nemendastöðu mun vinna úr hæfisupplýsingum þínum, í samræmi við persónuverndarstefnu sína (persónuverndarstefnu SheerID er hér), og staðfesta nemdendastöðu þína við okkur. Spotify getur einnig fengið hæfisupplýsingar þínar og deilt slíkum upplýsingum með staðfestingaraðila nemandastöðu. Við áskiljum okkur rétt til að ákvarða hvort þú sért gjaldgengur nemanda á grundvelli upplýsinga frá staðfestingaraðila nemandastöðu. Spotify mun safna, geyma og vinna úr nafni þínu, nafni menntastofnunar, netfangi og fæðingardegi í samræmi við persónuverndarstefnu okkar.

A. Ef þú notar Free áskrift eða ert nýr Spotify notandi hefst afsláttartímabilið (eins og það er skilgreint hér að neðan) eftir að þú hefur virkjað aðgang þinn að greiddri áskrift fyrir nemendur. Ef þú ert þegar áskrifandi að annarri greiddri áskrift hefst fyrsti afsláttarmánuðurinn (einnig eins og skilgreint er hér að neðan) eftir að tímabil greiddrar áskriftar sem þú hefur þegar greitt fyrir rennur út þegar þú lýkur staðfestingu þinni sem gjaldgengur nemandi og virkjunarferlinu. Þú mátt aðeins vera með áskrift að greiddri áskrift fyrir nemendur á einum Spotify reikningi.

B. Ekki er hægt að nota gjafakort frá Spotify og fyrirframgreidd kort í lokuðu kerfi sem gildan greiðslumáta fyrir greidda áskrift fyrir nemendur og ekki er hægt að nýta annan afslátt nema annað sé auglýst.

2.3.2 Gildistími, uppsögn og greiðsla fyrir greiddar áskriftir fyrir nemendur

A. Ef greidda áskriftin fyrir nemendur er í boði með afslætti (miðað við þáverandi mánaðarlegt verð á greiddri áskrift fyrir einn notanda) geta nemendur sem uppfylla skilyrði notfært sér afsláttinn í hverjum mánuði (kallast hver um sig „afsláttarmánuður"), í allt að tólf (12) mánuði í röð („afsláttartímabil") eftir að áskriftin er fyrst virkjuð.

B. Ef þú segir upp greiddri áskrift þinni fyrir nemendur hvenær sem er á afsláttartímabili geturðu endurvirkjað áskriftina á sama afsláttartímabili með því að kaupa aftur aðgang að greiddri námsmannaáskrift. Við endurvirkjun færðu þó aðeins þá afsláttarmánuði sem eftir eru á því afsláttartímabili í samræmi við það sem þú hefðir fengið ef þú hefðir ekki sagt upp áskriftinni. Þáverandi afsláttartímabili þínu lýkur alltaf tólf (12) mánuðum í röð eftir að þú gerðist fyrst áskrifandi og staðfestir stöðu þína sem nemandi sem uppfyllir skilyrði fyrir það afsláttartímabil. Ekki er hægt að framlengja afsláttartímabil af neinum ástæðum. Til dæmis, ef áskriftin þín hefst í byrjun janúar hefurðu virkjað afsláttartímabil í tólf (12) mánuði í röð til loka desember. Ef þú segir upp áskriftinni í mars það ár og endurvirkjar hana í ágúst verður afsláttartímabilið óbreytt og rennur samt út í lok desember sama ár.

C. Eftir fyrsta afsláttartímabilið eiga nemendur sem uppfylla skilyrði rétt á að virkja allt að þrjú (3) viðbótarafsláttartímabil til eigin nota, að því tilskildu að þeir uppfylli áfram skilyrði og endursendi virkt upplýsingar um stöðu sína sem nemandi til endurstaðfestingar.

D.** Nemendur sem uppfylla skilyrði og hafa náð hámarksgildistíma fyrir greidda áskrift sína fyrir nemendur, eins og lýst er hér að ofan, eða sem endurvirkja ekki nemendastöðu sína, færast sjálfkrafa yfir í viðeigandi greidda áskrift fyrir einn notanda, eins og auglýst er, og verða rukkaðir um þáverandi fullt verð mánaðarlega og endurtekið eftir að núverandi afsláttartímabili nemenda lýkur.**

E. Nemendur sem uppfylla skilyrði og vilja ekki færast yfir í greidda áskrift fyrir einn notanda í lok afsláttartímabils nemenda verða fyrst að segja upp áskrift sinni og geta gert það hvenær sem er áður en afsláttartímabilinu lýkur með því að fylgja skrefunum sem lýst er í kaflanum um uppsagnir í þessum skilmálum um greiddar áskriftir.

3. Greiðsla; Uppsögn

Nema annað sé tekið fram (til dæmis ef þú fékkst þér áskrift að fyrirframgreiddu tímabili (samkvæmt skilgreiningu í notkunarskilmálunum)) halda greiddar áskriftir áfram ótímabundið þar til þeim er sagt upp. Skuldfært verður reglulega á þig á fyrsta degi hvers greiðslutímabils og þú munt greiða og leyfa okkur (eða viðeigandi þriðja aðila ef þú skráir þig í gegnum þriðja aðila) að skuldfæra gildandi áskriftargjald á greiðslumátann þinn.

Þú mátt segja upp greiddu áskriftinni þinni hvenær sem er með því að skrá þig inn á Spotify reikninginn þinn og fylgja leiðbeiningunum á reikningssíðunni eða smella ** hér og fylgja leiðbeiningunum. Nema annað sé tekið fram tekur uppsögnin gildi frá lokum þess greiðslutímabils sem þú segir upp á.**

4. Ókeypis prufuáskriftir og prufuáskriftir með afslætti

Við eða aðrir fyrir okkar hönd gætum af og til boðið upp á prufutímabil af greiddum áskriftum í ákveðinn tíma þar sem áskriftin er ókeypis eða á afslætti (kallast hver um sig „prufuáskrift"). Hver prufuáskrift er í boði í tengslum við tiltekna greidda áskrift og í hverju tilviki bætir þessi kafli um prufuáskriftir við og fellir inn með tilvísun viðbótarskilmála fyrir samsvarandi greidda áskrift. Komi upp ágreiningur við viðbótarskilmála fyrir greidda áskrift skal þessi 4. kafli gilda. Hver prufuáskrift er í boði með fyrirvara um hvernig hún er auglýst og með fyrirvara um reglur um hæfi, framboð og gildistíma og uppsögn sem settar eru fram hér að neðan. Nema annað sé auglýst veita prufuáskriftir ekki leyfi eða aðgang að vörum eða þjónustu utanaðkomandi aðila.

Fyrir sumar prufuáskriftir krefjumst við þess að þú gefir upp greiðsluupplýsingar þínar til að hefja prufuáskriftina (sem verða geymdar og unnar í samræmi við persónuverndarstefnu okkar). Með því að gefa upp slíkar upplýsingar samþykkir þú að við megum sjálfkrafa byrja að skuldfæra á þig fyrir greiddu áskriftina á fyrsta degi eftir lok prufuáskriftarinnar mánaðarlega og endurtekið eða með öðru millibili sem við munum upplýsa þig um fyrirfram, nema þú segir upp fyrirfram (sjá kafla 3 hér að ofan með nánari upplýsingum um hvernig á að segja upp). Hver prufuáskrift veitir aðgang að auglýstri greiddri áskrift:

A. á auglýstu verði (ef við á); og

B. yfir upphaflegt kynningartímabil eins og nánar er lýst í kafla 4.3 hér að neðan, frá því augnabliki sem þú staðfestir kaup þín á prufuáskriftinni, með því að ljúka greiðsluferlinu („prufutímabilið").

4.1. Gjaldgengi til prufuáskriftar.

Til að eiga rétt á prufuáskrift verða notendur að uppfylla öll eftirfarandi skilyrði (hver um sig „gjaldgengur notandi"):

A. Nema þú sért að gerast áskrifandi að prufuáskrift sem er auglýst sem í boði fyrir fyrrverandi áskrifendur, verður þú að vera nýr áskrifandi að öllum greiddum áskriftum og mátt ekki hafa gerst áskrifandi að, eða þegið prufuáskrift að, greiddri áskrift áður.

B. Ef þú ert að gerast áskrifandi að prufuáskrift sem er auglýst sem í boði fyrir fyrrverandi áskrifendur, verður þú að hafa verið áskrifandi að viðkomandi greiddri áskrift (sem er auglýst) og áskrift þín verður að hafa runnið út fyrir þá dagsetningu eða þann tímaramma sem er auglýstur.

C. Að því er varðar prufuáskriftir að greiddri áskrift fyrir heimili og greiddri áskrift fyrir nemendur gilda viðbótarskilyrðin fyrir gjaldgengu sem eru sett fram í köflum 2.2 og 2.3 hér að ofan.

D. Nema annað sé auglýst verður þú að veita Spotify gildan og virkan greiðslumáta sem Spotify samþykkir (fyrirframgreidd kort og Spotify gjafakort eru ekki gildir greiðslumátar).

E. Nema annað sé auglýst verður þú að veita Spotify greiðslumátann hér að ofan beint en ekki í gegnum utanaðkomandi aðila (t.d. ekki í gegnum sjónvarps- eða símaþjónustufyrirtæki eða annan dreifingaraðila).

F. Viðbótarskilyrði fyrir gjaldgengi (ef einhver eru) eins og þau eru auglýst af og til í tengslum við prufuáskrift.

4.2 Tiltækileiki prufuáskrifta.

Spotify mun meta gjaldgengi þitt fyrir prufuáskrift á sanngjarnan hátt, byggt á upplýsingum sem Spotify hefur aðgang að. Samþykkja þarf prufuáskrift fyrir gildistíma tilboðsins sem er auglýstur, ef einhver er. Að því marki sem gildandi lög leyfa áskilur Spotify sér rétt til að breyta, fresta eða segja upp prufuáskrift hvenær sem er og af hvaða ástæðu sem er með tilkynningu til þín og án nokkurrar ábyrgðar, en í því tilviki munum við ekki virða síðari skráningar í þá prufuáskrift.

4.3 Lengd og uppsögn prufuáskriftar.

Sé um að ræða prufuáskrift skal prufutímabilið sem um ræðir halda áfram í þann tíma sem auglýstur var, samkvæmt hluta 4.2, fyrir ofan.

Nema henni sé sagt upp fyrir lok prufutímabilsins, eða slík prufuáskrift sé í tengslum við fyrirframgreitt tímabil, verður þú sjálfkrafa áskrifandi að þeirri tilteknu greiddu áskrift sem þú valdir að skrá þig í undir prufuáskriftinni og skuldfært verður sjálfkrafa á greiðslumátann sem þú gafst upp um þá endurteknu upphæð sem þá gildir á fyrsta degi eftir lok prufuáskriftarinnar á mánaðarlegum endurteknum grunni eða öðru millibili sem við tilkynnum þér um fyrirfram (allir tímatakmarkaðir eiginleikar þeirrar greiddu áskriftar verða styttir um lengd prufutímabilsins). ** EF ÞÚ VILT EKKI GREIÐA ÞETTA GJALD VERÐUR ÞÚ AÐ SEGJA UPP ÁSKRIFTINNI FYRIR LOK PRUFUTÍMABILSINS MEÐ ÞVÍ AÐ A) FYLGJA SKREFUNUM SEM ER LÝST ** HÉR** EF ÞÚ SKRÁÐIR ÞIG Í PRUFUÁSKRIFT Í GEGNUM SPOTIFY, EÐA B) EF ÞÚ FÉKKST PRUFUÁSKRIFTINA Í GEGNUM UTANAÐKOMANDI AÐILA VERÐUR ÞÚ AÐ SEGJA UPP VIÐKOMANDI GREIDDRI ÁSKRIFT Í GEGNUM UTANAÐKOMANDI AÐILANN**.

Nema annað sé tekið fram, til dæmis annars staðar í þessum skilmálum eða í tengslum við tilboð eða prufuáskrift, þar á meðal meðan á uppsögn tilboðs eða prufuáskriftar stendur, ef þú segir upp prufuáskrift á prufutímabilinu, missir þú aðgang að greiddu áskriftinni og Spotify reikningnum þínum verður sjálfkrafa breytt í Spotify Free reikning í lok prufutímabilsins.

5. Úthlutaður hlustunartími á efni og áfyllingarkaup (gildir aðeins um tilteknar greiddar áskriftir)

Sumum greiddum áskriftum kann að fylgja ákveðinn úthlutaður hlustunartími fyrir ákveðna tegund efnis, til dæmis (en í hverju tilviki eins og auglýst er) hljóðbækur („úthlutaður hlustunartími á efni"). Við munum birta af og til hvaða greiddar áskriftir, ef einhverjar, innihalda úthlutaðan hlustunartíma á efni og hversu mikill hlustunartíminn er, og ef við gerum einhverjar breytingar á þessari úthlutun. Spotify getur breytt úthlutuðum hlustunartíma á efni að eigin geðþótta og mun tilkynna þér fyrirfram um slíkar breytingar með öllum sanngjörnum hætti. Athugaðu: ónotaður úthlutaður hlustunartími á efni getur runnið út, eins og auglýst er.

Þú gætir átt rétt á að kaupa viðbótar „áfyllingar" klukkustundir sem þú getur notað ef úthlutaður hlustunartími þinn á efni klárast áður en hann rennur út. Þú getur alltaf skoðað reikningssíðuna þína til að sjá hvað er innifalið í greiddu áskriftinni þinni og hversu mikinn úthlutaðan hlustunartíma á efni þú átt eftir.

Efnið sem er í boði til neyslu innan greiddrar áskriftar getur verið breytilegt af og til. Þar af leiðandi er ekki víst að slíkt efni sé það sama og vörulisti yfir svipað efni sem er í boði annars staðar á Spotify. Til dæmis, í tilviki hljóðbóka, er ekki víst að hljóðbækur sem eru gerðar aðgengilegar til neyslu sem hluti af greiddri áskrift séu þær sömu og hljóðbækur sem eru í boði til beinna kaupa á Spotify. Frekari upplýsingar um hljóðbækur á Spotify má finna í algengum spurningum.

6. Viðbótareiginleikar

Af og til getur Spotify gert ákveðna viðbótarþjónustu aðgengilega fyrir notendur greiddra áskrifta. Viðbótarþjónustan mun hafa sína eigin notkunarskilmála sem gilda. Við munum gera sanngjarnar ráðstafanir til að vekja athygli þína á þessum skilmálum. Ákveðnir viðbótareiginleikar kunna að hafa viðbótarhæfis- og greiðsluskilyrði. Frekari upplýsingar um viðbótareiginleika á Spotify má finna í algengum spurningum.